babawien yoray imbabaga yo ta agtakayo man babalawen, anggapo met so walad siak ed asalsalita yorad man kalabian, agtakayo tuturingan, ta no tungtongey tua, anggapoy makasbel ed
sikayon mangibagay labay yon ibagan nipaakar ed saray dominiko, ta agmi kayo met asipor a binangatan; saya labat lan
taon so impanaral yo dia ya nanliketan mi ya, tan anganko
kaunoran met laya. Ompano inisip yon ipanunot kod sikayoy
maong a kababáles, andi; agko pandarakay panaon iratan ya
inaambagel a panagnunot na karaklan. Impatawag takayo ta
amtak a sakey kayod saray pigpigaran manaaral a natatalusan
yon petepeteg iray gagaween yo, tan manlapod apaknaan koray
totoon malet so pananisia rad kaptekay panagnunot dan dili,
inkuankod nunot ko ya nayarian kon ipaliwawad sikayo ray
kaisipan ko."
Tinmondan aganoy pári Fernandez, intuloy toy pamaspasiar to ya tewek tan sankanengneng toy tablá.
"Yurong kayó no labay yo," kuanton intuloy, "pasal koy akarakar no mansasalita ak ta mas maong so pakanunot ko no ontan."
Ag inmirong si Isagani, manalalágey tan akatanguá ya aalagaren toy propisor ya mangigapo.
"Waloy taon la natan ya manbabangat ak," kuanto nian intuloy ya ag tinmondan mamaspasiar; "tan akabat kon akilimugan so masulok lan duan libo tan liman lasus iran tubonbalo; imbangat kora, ginawak so anggaay nayarian ko ed impanlukas koy kanunotan da tan impangipaarap kod sikara ed maábig, impaseksek kod sikaray dalay maptek a katonungan, kabintaan tan kagalangan, et onia man, diad sarayan panaon ya ontanlay katatalabutob mi, anggapo ni anengneng kon ni sakey ed sikara ya tinmalek ya anekder ed araparapan ed saray ipapakasalanan dad sikami....odino anggan napanmatalkan da labat komon a nibagan andi gimorgimor iray agda napapaknaan ono imbel na linawa ra ed arap na arum a pulok na totoo.... Walaray tubonbalo ya nambabangil so ipapalsa rad sikamid benegan, et ontanlay panagpinsiw da balet no wala rad arap mi, ya saray paklap a imis day singa mipapayábol ni ingen na mogmo lan ilimgis mid sikara. Puí! Anto natay labay yon gaween mid ontan iran totoo ey?
"Agda kasalanan a bukor, Amá," kuay ebat nen Isagani; "say lalon akankasalanan saray angibangat ed sikaran manga-
