anto cy. anggapoy amta ran ni sakey a salita ed latin. Ah!
no si Kapitan Tiago lantí komon et intalaga toy inkasikato ed
kinen Ciceron¹....."
Tan diad saya pinmatnag so sankaaralman ya alipanes ed lupa ton ponakponak, tan malinlinis a kapankirkir. Imimanocn nen Isagani ya atebek ton saman a too et mapala!oy pakakailiw to ed saray inmonan panaon.
"Balet ta nipawil kod satay Academia de Castellano,"2 kuanen Kapitan Basilion intuloy; "nayarian ko lan ipasigurod sikayon agyo tan natuloy....
"On, máma, natuloy, aalagden mi labat so abuloy a awat mi la anganko ed sarayan agew," kuay ebat nen Isagani; "si pári Irene ya anengneng yod man ed tagey, a nirigaloan mi sankaparis a kabayon kastanyo, insipan tod sikami. Onlan misalita ed Kapitan General."
"Anggapo lan lamang so nagawaan to, ta onsungpay pári Sibyla."
"¡Anggano onsungpa! Sikaton wadia met ta pian....ed Los Baños ed arap nen Kapitan General!"
Tan si Basilio angaksion ya inelet toy duaran poniti ton impantotopaan.
"¡Amtak la!" kuanen Kapitan Basilio ya manelek; "balet ta yanko nin nagamoran yoy abuloy, iner so pangalaan yoy gastosen.....
"Walala, máma; kapag sakey ed saray manaaral anginagnag na sakey a real."3
"Sara balet so managbangat ey?" "Gampi ra met ed sikami; kapalduad sikara pilipino4 tan saray kapaldua peninsular.5
"Say abong ey?"
"Si Makaraig, si mayaman a Makaraig, iiter toy sakey ed saray abong to."
_______________
1 Makabat, politiko, tan sankaabigan a tumatalumpati ed saray Romano.
2Tegiop day maong a mansalita ono maliket a mansalita tan sumusulat ed salitay kastila.
3 Labinduan sintimos tan kapaldua natan.
4Nen saman "pilipino" so pananawag ed kastilan inaanak diad Pilipinas.
5Peninsular so pananawag ed kakastilan inanak ed España, insan onla Ta diad Pilipinas.
