nengneng so narapat tayon mabolaslas ya arapen!1..... Tua ta
sikamin manaaral et karkayari min pinalabas so melag ya inkaapay ilalo, balet ta aliwan dagdaiset so nagagamoran a kaabigan
ed amin iran pasen.....a singa agla napukpokay kaliliing na
konsiensia ray amin a totoo. Say inkatálo min impadalan ed
sílib singa labat pakanengnengan bilang na unor iran pansungsongap, kaunoran iran pankeyer na manpapanabos. Diad ma
ganó lan arapen mibabáley itayod Pilipinas ya palar to niay alay
karakpan ta walad maararo ran lima. On, walad lima tayoy
arapen, a sankanengneng kon maligliga, tan ontan met a sankanengneng koy kaliing na bilay ed sarayan kadalinan a kabaliksan day naandiay bilay odino abayag ed kaitlekay ugip..... Sankanengneng koy ilesa ray kabalbaleyan ed pasen iran batakey
riles a dalanen day tren, tan samet so isulming day pábrikas
tan kaabongan iran singa diad Mandaluyon..... Singak la sankarengel so pasiot na bapor, say talakatak day tren, say ongol day
mákina.....sankanengneng koy asewek ya ontatagey, say biskeg
na kangengeswá to, singak nasusongiap so angob na lárak, ya
nibagan linget bilang na sarayan mákinan andi tonda ran mankikimey.. Satan a doroongan ya ontan lay tantan na kagagawa
to, satan ya ilog a singa panpapanabosay komersio, nanengneng
tayora naanin napnoy ampoti ran láyag a makapangiter ed kaisi
pan tayoy itsuray panaoy panpeplag na hielo ed takel irad Europa...Sayan ililinawan madalisay a dagem, sarayan malilimgas
a bató napano ray uring, kajokajon tan barilis iran bongay bolaslas
tan kimey day totoo, balet ta anggapo lay wala, ta masigsiglat lad
satay panbasilbasil, ed luluganan iran mainawa tan mapmaples.
tan nayarian tayoy onlan mananap ed pasen iran aragdawi na
arum iran dagem, arum iran gilig na baybay, tan pasen iran ambetel ed alosarsar day kapalandeyan..... Saray bapor tayoran pibabákal so akauley ya manbantay ed gilig na baybay; kakastila may
pilipino manlalaglagan iran mamakal ed saray totood arum a
bansa ya malabay ya onloob dia, ed pangilaban dad saray kaabongan yo, ta pian lawas manbilay kayon maliket, manelelek tan
mareen ya inararo tan gagalangen. Naani no anggapo laray ma-
________________
1Superscript text Diad saraman a panaon, sayan pananisia aliling na kugip labat, ta saray pilipinon walared Madrid a youpot day angaan da ed pankikimey dad pakagamor day isisip da ran kanepegan a kaabigan na dálin dan nianakan nipaakar ed kawayangan tan dalay uley, anggapay nagagawaan da. Sikatoyay akasengeg na intaynan nen Rizal ed Madrid ta atalusan ton abilibili ya diman et anggapoy mangaasikasoy pirawat day pilipino. Kalabas na pigay bulan ed intaynan to, nen nakalan lay ilalo, impaigalot tod Gante (sakey a siudad ed Bélgica) yan uliran.
