Inlugay ton nalilibang so duaran párin jesuita ya profesor to ra nen saman; samsamet to naimanoy sakey a tandem1 ya ipapaakar na sakey ya amerikano ya panibibegan daran may pigaran maliket ed marakep iran kagawaan, a kalesa labat lay ipapaakar da. Dimad asingger ed monumento nen Anda nangel toy Ben Zayb tan sakey a too ya sasalitaen day Simoun ya asakitan na bigla nen lábin imbeneg, ya anggapoy labay ton pinengnengan pati saray dílin ayudante nen General.
"Ontan la lawas!" kuanen Isagani ya akaimis na ampaipait; "aasikasoey amin a too ta mayaman....sara balet so sondalon ompapawil a manlalapod bakal ya agmakayari tan sugatan, anggapoy anggan sakey a makanunot ya ondalaw ed sikara!"
Tan diad impakanunot tod pangibabakid sarayan sondalod bakal, say pangaskasíyan a palar da, say masion a linawa ray totoo ran kabakal da ed isusonglar da ya agda labay a pilit so pauleyan ed arum a bansa, sinmebang ed isip ton diad saman a pateyan, no masuri ipapátey daray sondalon pilipino ta manusumpal iray nabebetangan da, say ipapátey daran may akandá lin, napnoy galang, ta yaagel daray kaábongan da tan pinabli daran boleg.2
"Makapakelaw so palar day arum a bansa!" kuantod inkasikaton dili. "Diad isakbit na sakey a bomabaroy ed baybay da, naandian iray kawayangan, tan mangmaliw iran ouleyan tan aripen ya aliwa labat lan samay bomabaroy odino amin a tomatawir to, no ag pati saray kabansaan to, ya aliwa labat lan legay bilay to no agta angga lan angga! Nidumaduman panangitalos na kaptekan! Sayan kipapasen masulosulok a mangiter na pankatunongan a pamatey ed siopaman a sankailin taga arum a bansa ya ipasen a sankasulitan a munanakap a nisakhit na dayat!"
Tan nodnunoten to ya saraman a totoon babakaley dálin ton nianakan, anggapon balot so kasalanan da likod so inkaletey da ya nasarag iran patuloken. Saramay bomabaroy sinmakbit
___________________
1 Sakey a klasi luganan ya sasagoray duara one taloran kabayo ya manlataluntonan.
2 Say sasalitaen nen Rizal dia saray sondalo ya ibabaki Gobierno ed saray Carolinas tan Pelew (polok irayay kapoloan ed Oceania) ya mangala ed Sarayan pasen pian niakar irad silong na pakauley na España. Sarayan aminpigan kurang day sondalo ya tinawag na Mision Española Católica, nanlapod taon a 1886 anggad 1895 ya impangulo ray paparin Capuchino, ag nabitlay segsegang tan kairapan ya inter dad sarey manaayam ed saraman a kapoioan, tan ontan met ed saray sondalon pilipinon linman akibakal, ya apaabeba da nin pati dayew na España, balet ta dakdakel met so tinmátagey ed pasen ya opicial a kakastila. ya akaawat iray midalye ran pakapatmagay bayani ra.
