Dia nanokok a pinaspasiay Juanito ya akamayamay so inmalipanes ed saray onnenengneng. basis.
"Papaway yo! papaway yo tay tísiko!" kuay makmaksil a
Tisiko? Panon, tawagen day tísikod arap nen Paulita? Labay ton anapen imay andibaing a malabir ya itday panderiaan.
Tan nen babáaten da ran may iba ton bibii lalon sinmebeg a binmiskeg so linawa to. Kapalpalaran ta si Don Custodio, manayay angibagá tan manlapod mapágan natawag so imano ray totood sikato, agto la nandengeldengelan a konwarin isusulat toy pakaisip tod saramay ipápaway.
"No agtakayo labat iba!" kuanen Juanito ya pantettetleken to ray matá ton singa saramay ugawugaw a wala rad dalem na reloj ran ankabaleg a milmilay matá rad panbayes na péndulo. Insan ni nimet mandilat na tonggal paminsan kanian anggapo lan tuay duma tod sikara.
Saman a lábi tinmagey a maong so kanengnengan tod matá nen Donya Victorina, ya impasen to nian mabayani tan napnoy galang, kanian ninunot ton inyan ed puso ton sikato lay piasawaan to kapatéy nen Don Tiburcio.
Si Paulita balet manlour so ermen to ed pannodnunot ton sakey iran bibiin tatawagey cochers so manisigpot na kanunotan nen Isagani, ta nanonunotan ton sayan salitay cochers et mialaaláan ed saramay salsalitan ikakana ray colegialas no mantotungtong iran bukor tan labay dan ibagay sakey a klasi panangaro ya makapoy a bitlaen.
Asumpal a siansiay inmonan akto tan si marques inawit to laran manayam ed sikatoy Serpolette tan si Germaine ya kalimgasan toniay unor so mareereen tan masimsimpit, tan say inalá ton kotsiro to si mureng a Grenicheux. Diad interak na tipak ya ag mangaria, apilit iramay pumapaway a pinmarungtal lamet ed intablado ya manimimis iran balibali impantatabin da, anta say kalabalabas a paway da et kulkolan a ngalngali ran mansesepakan; lugay ed biek tan biek so gagaween da ed saray mantipak ya onnenengneng, a saramay bibi tekep na pililimgisan dad saray arum a lalakin wadman.
Legay daiset ya aligagsawan day mansasabatan a totoon onaarap iray arum a manpilisita ed pasen a kawalaay palesan day pumapaway, tan sray arum balet et mamapaarap irad
