na ulat day taga Paris, bengatbengat to ran tinaynan iramay makagugustod sikato, tan dinalulos to may mansisiim.
"Tiens, tiens, Touton! mon lapin!" kuanton sininkat ed taklay si pári Irene ya niyogayog lan niyogayog a malikeliket a bansag na panagtareren toy masaysayaksak.
"Sset, sssét, agka maknol!" kuanen pári Irene ya onsasanib.
"Mais, comment! toi ici, grosse bête! Et moi qui t'croyais....2
"Fais pas d'tapage, Lily! il faut m'respecter! 'suis ici I'Pape!"³
Irap nen pári Irenen pinatonda, ta si Lily malikeliket ed impakarumog tod Ibale na kaaro to lan gendat ya akaliing ed kanunotan to ray coulisses na Grande Opéra cd Paris. Kaniantin kapaway nen Serpolette ed intablado, inggúlo nen pári Irene tipak a pamakpel tod linawa nen marikit, ya aliwa labat lan diad pananumpal toy nabebetangan tod maong a pikakaaro, no ag pati nabebetangan tod kipapasen ton managnengneng nat kaabigay paway, ta amta to lan sipor a sarag nen Serpolette.
Ipawil tayo balet ed saramay tubonbalon manaalagar na cancan, si Pckson ngalngalin ag onkirem, balet ta nambabangil lay paway, anggapo ni anggan aninoy cancan. Walay parte sarsuilan no ag labat say insabí ray polis mantutulot lara may bibiin manggugunotan ta susogsugan da ran may kabaleyan da ran lalaki ya singa ra saramay estudiante tayo lági, ya mantatalaran ira met na nanengneng dan mas nen say cancan.
- Scit, scit, scit, scit, scit, scit,
- Disputez-vous, battez-vous
- Scit, scit, scit, scit, scit, scit,
- Nous allons compter les coups.4
Tinmonday tugtog, tinmaynan iramay lalaki, nankalkalna ran pinmawil ed intablado ra may bibii insan ginapoan day nantotungtong na anggapoy akatalus ed saramay tubonbalon kakaaro tayo. Nanengneng ed awawey tan panagsalsalita ra ya walay tatalabutoben dan sakey a biin andidman.
"Kaparpara da ramay makaw dimad pansitiría." kuanen Pekson ya inesaes.
__________________
1 Ay, ay, siopay manilalo, Touton, konejok!
2 Panoy inkiwalam dia sika ayep? Insan ak anigsisiad sika ....
3Agka maingal, Lily! Nakaukolan a galangen moak! Ta día ilalaman koy Papa!"
4 Scit, scit, scit, scit, scit, scit, Mansusupiat kayo, mantutulot kayo Scit, scit, scit, scit, scit, scit, Ta manbilang kami ponitin ondapo.
