Andi tonday mansasbí ran luganan, tan sinmabi met laray pumapaway a dinmalan irad sananey a pinto ya kikalayukoy iray kakaaro ra tan makapapaknad sikara.
Akaloob lay Paulita tan intuloy nen Tadeo lamet:
"Kaanakan nen mayaman a Kapitan D. ra tan ay so linmugan ed landó' Anengneng moy abig dan bii tan bonigas na laman da? Kalabas na pigay taon, nengneng mo, inarey la ra tan odino naambagel lara.....Si Kapitan D agtora piasawaen tan singa nanaalisan to laray laring to..... Samanay si marikit ya E, sankayamanan itan a tomatawir a pansasamsá manay mundo tan saray konbinto..... Maya ka! Kabat ko man saló ay!.....Kuanko la ta si pári Irene ya nanumay itsura ton angiay bigoti to! Nabirbir kod eleng to ya anggan kapigan! Insan konwarin mapalaloy insugpa tod sayan ipapaway!..... Nisegawan si kasulsulming to nin estudiante ya sankanengneng toy balibalin inkatabas na amerikanan masigsiglat a dinmalan tan naandipat ed beneg day pigaran nanlilimpog a bibii.
"Saray taloran Parcas," kuanen Tadeon intuloy, kanengneng tod taloran mamarikit a kinmebet, mapukepukel, araldalem so matá ra, masangi ra tan anakseng so panangawes da. "Say ngaran da..." "Atropos?"
kuanen kasulsulming ya estudianten in- esaes, ta labay ton ipanengneng a wala met so antato, anggano diad mitologia labat.
"Andi, agay kalá saló, say apelyido ra Balcon, sankabalawan ira, apaul laran yangyangan..... Kabusol day amin a too, lalaki, bibii, ugugaw..... Balet ta nengneng mo, say Dios mapangasi, ta lawas ton ipatumbok ed segsegang so polaing, anggaman no arum et matantan so isasabi to nia. Manomtumbok ed saratay aninoy patey a tátakotay entiron siudad, nitan lara balet so taloran katao ya ikikinon day kakaaro ra, ya sakey ak met lad tan ed saraya. Satay tubonbalon mabeng, mabutleg ya inkamatá tan bukot na daiset, a mangakaksion ta anggapo lay naala ton ticket, sikato tay químico ya mangaray S ya agla nabilang so sulsulat ton nipaakar ed kakabatan iran ararálem, ya
_________________
1 Sakey a klasi luganan ya apatiray dalig to tan ikakanan panagpasiar odino panagbaroy.
2 Unang ed mitologia, saray taloran sanaagin diosan akukulaw a mangaray Cloto, Laquesis tan Atropos: Samay onaan managlubir na idaramey, sayay komadua managpotipot na alubir lan idaramey, tan si komallo kakatkatliyen to balet a kabaliksan toy singa pupulpultaten toy bilay day totoo.
