Intuloy nen Tadcoy onia:
"Satan ay si músiko H.....saman ay si abogado J., satan imay sinakal toy diskurso to ed inggalot ed pigapigan libro et agda abalaw na mogmo ray dinmerengel, tan pinapasamano ran indadayew....Si doktor K, satay oneepas ed marakerakep a luganan ay, especialista tan ed sakit day ugugaw, kanian pinangaranan day Herodes.....1 Samay sakey ay si manangikurang na Banco ya L, anganggad amta ton tungtongen say kayamanan to tan sakit ton almorranas.....Niman ay si omaanlong ya M, ya anggapo lay arum ya amta ton salitaen ed anlong to no ag bukor day bitewen, tan say bilay a sakey..... Ay, nimay malimgas ya sinyora N ya maparanay nen pári Q ya nasabid abong no dalawen toy asawa ton andidtan.....si komersianten judío ya sinmabí dian sansanliboy pisos so kargay bolsa to et milyonario la natan..... Saman balet so andukerukey so balbás to ay, si doktor R. ya nanpilakan toy panamalsá toy agmakayari inbis a pananambal to....."
"Panamalsá toy agmakayari?"
"On, agay ka la saló, no nengnengen to no walay sakit day naalan mansondalo.....Nengneng mon maong itay ni tanla.....Satay mabinbintan sinyor ay ya mabmabli tan balibáli kawes to, aliwa tan a doktor no agta homeópata² sui generis;....3 say totumboken ton lanang similia similibus....4 Satay kaolop ton tubonbalon kapitan na kabalyiria ay sikatoy sankainaroan tod saray bábangatan to..... Satan balet so mapuslak so kawes to ay ya impabanking so sombriro to si empliadon S, ya say manaarid nunot to so manbilay ya aliwan magalang ed kapara ton too tan ag mangitaltalek, mapalaloy petang na uló to no makanengneng na arum a toon nansombriro, tan kuanda ta gagaween to ya pian onlapog iray aleman a managgaway sombriro..... Satay onsasabin iba toy boleg to ay, si sankayamanan a komersianten C ya say aawaten ton nanaalmoay kuarta ton kuarta ton tinaon et masulok a sanlasus liboy
___________________
1 Gobernador na Galilea tan Ari ed Judea ya sikatoy angipaakseb na gang- gan ya impamatey na amin ya ugaw a laki ya kulang nin sakey taon, ta lebay ton napipatey si ugaw a Jesús. Say impanumpal nian ganggan 28 na bulay Diciembre, lcanian tatawagen yan fecha na "Dia de Inocentes."
2 Sikatoyay pananawag dad médiko ya say ipakana ton tambal ed agma- kayari ya ikana ton tonggal daraiset et saramay tambal ya no nadakelay ikana et makapangiter irad toon mabisbiskeg ya anggapoy sakit na saman lan lamang na tatambalan a sakit. Say ngaran to nian klasi pananambal homeopa. tia.
3 Sui generis-bukbukor ton andi kapara.
4 Similia similibus-saray nanpapara mantitipon iná.
