Juto tod linawa ton pabolaslasen ton paabigen yan siudad ta
talagan togtua ya masantos iray gagála to tan masurin andi taldeng iray walad kaisipan to ran aligen.
Diad inmona ran bulan ed insabí to, anggapo lay arum a bongay sangi to say Corte, saray maong a ugálin kakaaro to, si sekretarion fulano, si nansekretarion sutano, si kongressman a C, si sumusulat ya B; anggapoy nagagawan onlalabas ed polítika, anggapoy nagagawan mauges ono makapakasalanan ed Corte ya agto kabat a manlapod gapon anggad sampot, anggapoy toon mankikimey ed gobierno ya agto amtay itsuray panbibilay to tan agto kabat iray maamot a gawgawa to, ni antoman a nagawa ya agto la impasakbay, ni dinan man ya ipaakseb a pamasimbalon nanlapod tagey ya ag impanon ed sikaton inmona; ya amin irayan tongtungtong to. nantarok na panamauges. tod saray conservador, ya napatnagay mapalalon petang na uló to, tan iba to met so panangilaban ed partido liberal, ya ulituliten toy bengabengat lan salita ono antikey iran tongtungtong na sakey ya mablin too, tan isimsimbot to met ya isalsalet so agto panlábay tan agto impangako na anapan iran iiter dad sikato, ta agto napaslek so miutang na linawa ed partido ray conservador.
Ontan lay dalang na liknaan tod saraman ya inmonan agew ya asaglawi toy pigarad saray kakaaro ton kareneng dimad lakoay kakanen ya maparapit ton lalaen, a ginmanpi ra met ed partido liberal, tan atawag iray liberal di Don Eulogio Badana, sargento ray carabinero ya inmekal la, si magalang ya Armendía, piloto tan ag napiing a carlista,1 si Don Eusebio Picote, inspector na Aduana, tan si Don Bonifacio Tacón, sapatero tan gumagaway arnes na kabayo.2
Ontan man, sarayan dalang na linawa nankalkalna ran narep manlapod kakulangay anugsog may sinmungpa. Sikato ag manbabasay palapagan iran manlalapod España ta no onsásabi raya abonbonton iran bineberber, a diad pakakanengneng to labat et manuwab la; saramay kaisipan ya abanbanwit to kabaliksan day dinmaan la, kanian nakaukolan da lay pabiskegen komon, balet ta andi dia ramay managdiskurson dedengelen to; tan anggaman diad saray klub ed Ibale et maslak met so sugal tan dakel met iray managsuba ya singa diman ed
__________________
1 Kapartidoy Don Carlos, agi Arin Fernando ed España, tan malaby a manamsam na trono tan balanget ed reina Isabel ya anak nen Arin Fernando.
2 Sarayan ngaran aliwa ran tua. dinodukdok labat.
