Duay agew ed kalabas na saray agawagawad feria ed Kiapo, mankikímey si Don Custodion singa unong lawas a babasaen to ngola ra may aaralen ton papipapil ya anggapo nin siansiay nanunotan ton maabig a nagawaan. Legan tod man a manubuwab, mansigsigam, tan mannonunot na kasasayaw tan bitking nen Pepay, salitaen tayon maganoy nepeg a kabaten a nipaakar cd sayan atagey ya inkatoo, ta pian natalusan tayo no akin et sikatoy pinili nen pári Sibyla ya mangaral tan manutol nian masuliwet a pamaakaran, tan no akin et inako da met a tampol yan kanunotan ed bick a partido.
Si Don Custodio de Salazar y Sanchez de Monteredondo alias Makabat a Makaamta, sakey ed saray tood Ibale ya kagalaw to walan tampol ed saray palapagan, a kaulop na ngaran toy salita ran maseet, atagey ya inkatoo, maseseg, aralem a panagnunot, matudió, sikakabat ed nagagawad bansa. mayaman, etc., etc., ya singa bilang mapagpaga ray inkuan laran palapagan a nisalat ed sananey a toon mangiras ono mureng a kaparay ngaran tan apellido to. Tuá ta anggapo met so kaugsan a nagagawa, tan aray totoon lalabasan a mangokutoy amin ya ipapalapag agmet ira napapagaan. Say pananawag a Makabat ya Makaamta nipangaran ed sikato nisesengeg ed impikaaro tod kinen Ben Zayb, nen saya et diad amiduan impalapag ya ampetang ya impisupiatan tod andukey a bulan, no dinan kasi maong a ikana ed sombriron atagey, kepkep, odino takokó, tan no say plural na carácter et nakaukolan a carácteres ya aliwan caractéres, a diad panekder to ray katonungan to et ibabága ton naynay so "inkuay makabat a makaamta" odino "nanlapod sakey a makabat a makaamta," etc., insan pinmaway ed unor, ta diad Ibale et anggapo lanti niamot, a sayay "makabat a makaamta" et andi arum no ag si Don Custodio de Salazar y Sanchez de Monteredondo.
Sinmabid Ibale ya malanguer nin balolaki tan lapod maong so emplio tod gobierno, akaasaway malimgas a mestiza ya anak na sakey ed saray sankayamanan a boleg ed siudad. Manlapod matudion kanunotan, matalek tan ambetel ya impangulo, kanawnawa ton sinambot so tetelekan ton pulok day totoo, im. pounan toy pilak nen asawa to ed komersio, kinokontrata to ray kimey ed Gobierno tan Ayuntamiento, ya nisesengeg ed saya ginawa ran consejal, insan mayor tan kalamanan na
_________________
1 Pananawag met ed sakey a too ya aliwan ngaran ton peteg.
