dan abong a mipapangginggi. Natan balet aalagden nen Anakbanwan Andang ta ibaga toy anunotan to gaween: manpcket
ed samay procurador day papárin agustino ta piano akoen da
lamet na papárin dominikoy anak to.....Pinaer nen Plácidon
inkuliseng.
"Ontaboy ak nin ononad dayat," kuanto, "labay ko ni manmaliw a tulisan nen say ompawil ak ed Universidad!"
Tan manlapod gagapoan lamet nen ina ton sirmonan ni paakar ed ános tan oyamo, agla angay Plácido, inmakseb la lamet tan amaarap ed doongan day sakayan tan bapor.
Say impakanengneng toy sakey a bapor ya ombuboat ya onarap ed Hongkong akapangiter ed sikatoy sakey a kanunotan; onlad Hongkong, ombatik, manpayaman diman, pian nabakal to ray papári. Say impakanunot tod Hongkong niliing tod isip toy sakey a pannodnunotan, tungtong day totoo nipaakar ed parakep iray altar, Ciriales tan pilak a terekan iray kandila ya inregalo ray totoon masasantos ed sakey a simbaan; kuay sakey a platero ta saray papári impaalig dad Hongkong iramay parakep na altar a ciriales tan panangiterckay kandila, balet ta say impagawa ra pilak a Ruolz a makapoy yan klasi, insan sikarayay insandi ran ikakana ed simbaan, ta saraman balet so regalo impagawa ran kuartan mamisos na México. Sikatoyay nangelan ton tongtungtong day totoo, ya anggano dengeldengel ni labat odino talabutob ni bilang, diad petang na uló to napapatua to, tan nanaokaok to ni ran nanonunotay arum iran gawagawá ran mialaan ed saya. Say pilalek ton manbilay ed kawayangan tan arum niran gagala ya peles to nin lilimpeken so akapabiskeg ed linawa tod yakar tod Hongkong. No saray togiop day papári et ipaparap dan yaakar dimay kuarta ra, mapatpatnag ya maong dimay komersio tan nayarian to sirin dimay manpayaman.
"Labay koy ag nasebelsebelan, labay koy manbílay ed kawayangan.....!"
Asabiay lábin manliliwagliwag ed San Fernando, tan lapod anggapoy arumog ton kaaro ton marinero, apaabig toy onsempet ed abong. Tan manlapod marakerakep so lábi tan managaag so bulan ya apanmaliw tod dakep na sinag toy maseg segang a siudad a singa sakey a nanarian day enkantada, amaarap ed feria. Diman nanakarakar a nililiber toray lakoan,
