Pekson, no antoy pangikukukoan yod pangipasen yon si Gobernador General et anggapoy panagnunot ton dili?"
"Agko ibabaga tan, Sandoval," kuay ebat nen Pekson a mapalaloy ngisael ton sankanengneng a pati pangal ton kasamsampotan; "no diad siak si General walay panagnunot ton dili, say labay kon ibaga, say panagnunot day amin a totoon asingger ed sikaton nagawat na lima to.....Satan malinlinew!"
"Ipasout yon siansia! Balet ta mangibaga kipay sakey ya agawa, mangibaga kipay sakey ya agawa!" kuanen Sandoval a maningal; "Paulian tayo la ra tay andi kabaliksan a sangsangan, saratay salsalitan kopaw, ta say nengnengen tila saray nagagawa!" kuanton intuloy a mangakaksion na marakerakep. "Saray nagagawa, sinyores, saray nagagawa, ta say arum ni ipapasen kon guloy kaisipan labat, ya agko la tawagey filibusterismo."
Inyan nen Pekson so pinaspasian elek tan inkuan ton sinmalangat:
"Pinmaway la lamet si filibusterismo! mansusupiat ya anggapo ray dalemdalem?" Akin ag nayari
Si Sandoval agto ya akoen tan ipapasout ton manbitlay Pekson na petepeteg iran agawgawa ya sinambot ton impalbot diay impandiskurso toy antikey.
"Nengneng yo, aganggano nin lamang ya wala diay agawan kulkol na pigaran papári tan pigara met a totoon partikular, a tinotulan nen Kapitan General ya interino tan amtayo no antoy impaakseb ton tutul? Impatutolan tod makauley da ran may papári lanlamang a mikokulkol!" kuanen Pekson.
Insan lamet manelek a mankeykey a singa bilang say sasalitaen et bengatlan andi kakabaliksan. Nanbibitlay ngaran, bektá, tan insipan ton manawit na dokumento ran pakanengnengay itsura na impangipapaakseb na katonungan.
"Balet ta antoy pangikukoan da, ibaga yo pad siak, anto bilang so napangikukoan da ya ag pangiabuloy na malinlinew a sankanengneng a makanakaná tan kapilitan ey?" kuay tepet nien Sandoval.
Sinintak nen Pekson iray abalá to.
"Mapaga ra lantin naderal so galang tan katagiay suri Inan Bansá....." kuay ebat tod tonoy bosis na sakey bilang a notario ya manbabásay alegato.
