a tubonbalo ya nayarin makasengeg na panliknaan dan barongan, anta say kekerewen da et wala met ya akalugan ed ganggan iran impaakseb na Ari ey?"
Mantanger ira di pári Irene, Don Custodio tan pári Fernandez a tanday pipiabubon da.
"Ag balet manepeg a saray indio et makaaral iray kastila, amta yo?" kuanen pári Camorra ya iningal; "agda nepeg ya aralen ta naani mibabali laran misupiatan ed sikatayo, tan saray indio agda nepeg so misupiatan, say kanepegan da labat ontulok tan manbayar.....agda nepeg se mibibiang a mangipatalus na ibabaga ray ganggan, ni saray liblibro, ta masilib ira tan makulkol ira nimet! No makaaral laray kastila manmaliw laran kakabusol na Dios tan say dílin España.....no agkayo manisia basa yopay Tandang Basio Macunat; sikatomay kuankon babasaen! Katuaan iray ibabaga to ya singa saraya ay!"
Tan inpapanengneng toray malilimpek a poniti to.
Si pári Sibyla inaplos toy orden to ya pakapatnagay kakaalipanesan tola.
"Pasalet yoak pa labat!" kuantod tonoy bosis a singa mamapapuyapoy na kulkol anta onmanlan ingungot to; "saya aliwa labat lan nipaakar ed pangibangat na salitay kastila, sakey yan baleg a tulot day estudiante tan say Universidad na Santo Tomas; no saray estudiante et nagamoran day gusto ra, naekalan itayoy galang tan napaabcbay kipapasen tayo, ibaga rad satan a tinalo da itayo, tan ibelbelyaw day liket da. Tan ditan la mangangga so aliwa labat lan biskeg tayon nipaakar ed maptek a totuntonen ed kaabigay kamarerua, no agta amin a pakayari tayo! Ta no atebag dan abugay so onaan a pilapil antoni makaamper ed saratan a tubonbalo ey? Say kapaktak mi singa met la mangipaamtay kaekalan yoy pakayari, ta manomtumbok ed sikamin andi saew so Uley."
"Puñales! Satan ingen so ag nayari!" kuanen pári Camorra ya maningal; "nanengneng no siopay mas mabiskeg so poniti to!"
Si Pári Fernandez ya anggad natan et nandengel labat na supiatan a makakaimis, sinmalita met. Tinmonda ran amin a nantalineng ta sikakabat iran matudio tan maptek so panag. nunot to.
"Agyo pa papaugesen, tan agyoak pa bubusolen, pári Sibyla. no onkasipáak ed panagnunot yo ono pakanengneng yod sa-
