"Puñales, napasarag yoy anggan anto!" kuanen pári Camorra; "dagdawit kamin nanponitiyan dimad bapor ta masiadon ag mangitaltalek; intulak ko, intulak toak met!"
"Wala met so sakey a mangaray Makaragui ono Makarai.....
"Makarai," kuanen pári Irene ya sinmalet, "sakey a tubonbalon maong ya ugáli tan kalemeway dalá....."
Insanto inesaes ed layag nen Kapitan General so:
"Satan imay asalitak lad sikayo, mayaman.....tan patutulongan nen sinyora condesa ed sikayo."
"Ah!"
"Sakey met a manaaral a mandoktor a mangaray Basilio.....'
"No nipaakar ed satan ingey Basilio anggapoy ibabagak," kuanen pári Irene ya intagey toran imbuskag so sanduan lima to ya singa bilang kuanton mangibagay dóminus vobiscum;1 singa danum ya aralem, ag natalusan. Agko nin balet atukor no antoy labay to ono antoy nonunoten to. Agay lan andidiay pári Salví ta no wadia komon nibága tod sikatayoy impanbilay to nen saman. Singa nangelan kon nen ugaw ni et walay panaanap ed sikatoy guardia civil.....say amá to inatey ed agkola nanunotan no antoman ya inalsay báley....."
Akaimis a matantantan tan andi esel si Simoun, ya aneng neng iray ngipen ton ampopoti tan balibalin inkarasig..
"Aja! aja!" kuanen Kapitan General a manpeyeng. "Wala ratan manaya a? Ikurit yo tan a ngaran!"
"Maya kayopa balet, Sankatageyan a General," kuanton may atagey so betang ton empliado ta sankanengneng ton aliwa lay kasumpalan, "anggad natan anggapo met nin balot so amtan mauges a gagaween daran tan a tubonbalo; say kekerewen da makanepegan tan anggapon balot so pankatonungan tayon mangigimor a nisesengeg labat ed kinon-inap; diad magter kon pakaisip say Uley diad pangipanengneng toy panani- sia tod báley tan sekder na inkiletneg ton dili, manepeg ya ipagamor to tan a kerew; naani mainomay to met ya isuner no nanengneng ton lulurlouren day panangasi to. Masulosulok so pakalmoy bengatlan makasengeg ono baraan, nayarian tayo met iran bantayan..... Anenen tayon paugesey uló daran tan
___________________________
1 Say Dios so walad sikayo.
