yo, puypuyat yo, impansisimpit yo, insan dakayo sinamsaman,
pinataboy dakayod kaabongan yo ra, tan sinebelan da ray arum
a mamarawes ed sikayo!2 Kulang da ni yan impanumlang dad
kaptekan, ginatinan da nin intalirak iray masagradon naugaliyan a nantatawiran ed báley yon nianakan.... Sikayo, nanlingkor kayod España tan diad Ari, tan diad ikekerew yoy kapte
kan cd ngaran da ra nia, impaalis da kayon andi salaysayan, a
nilalagnot kayod taklay day kaasawaan yo tan panangaro ray
ának yo....Siopa man ed sikayo lalon mapalalo ni impanirap
to nen si Anakbanwan Tales, balet ta anggapoy ni sakey ed
sikayon binmalés! Anggapoy naalagar yon panangasi ni manepeg a panagtratod kaparan too, tan agda kayo tinondaan ya
anggad dalem na lubok a singa si Mariano Herbosa.....3
Inangis yo odino yelek yo yan inkagawa ed kawalaan yo ran
panliliwagliwagan a kabukbukoran iran kapoloan, ya agyo amtay datngen yon sabien! Say España, say mapangasin España
babantayan to kayon ag papaulian tan agla mabayag so pakagamor yoy kaptekan!4
_____________________
2 Diad panagsugsog day togiop daray papárin dominiko si Kapitan Gene- ral a Valeriano Weyler, angibaki ed Kalamba na sondalo ran awit day kanyon ya panderal day dáldalin da ran may totoon agda birbirey pankayarian day papári, tan agda met yabuloy so iletneg da ra nia ed saray kaumaan da, tan insegep day asunto ed juzgado.
3 Bayaw nen Rizal ya agda impaitubong sa bangkay tod simbaan tan agda met impaipunpon ed kamposanton católico manlapod ibábaga ran ag mankokompisar, balet to imbaga ra ya labat nen kayari nen kúra ya intelegrama ed makauley day papári ed Ibále, ya mikanayon ed Rizal.
4Inkurit nen Rizal dia yan inkagawa ta say pilalek to lanti aliwa labat lan say mangisulat na sakey a tungtong no agta mangiparungtal na petepeteg a nagagawa. Tua za yan amin, diad panaon a pansusulat toy Filibusterismo, saray kakaaro to tan kakanayon to alameslames iran asamsamay bienes tan impaalis irad kapoloan iran makurit a pasen tan magmainomay a pakalaay sakit. Masulosulok komon a si Rizal et nantrabajo ed iyalsa ray pilipinos ya isiyan ed España, tan saramay kakaaro tan kakanayon to ran apau̟nong et masulosulok met ya asabi ray akapatey a singa si Tales. Balet ta anggapo yan balot ya agawa tan si Rizal anggan onman lay lames iran naggagawa diad Pilipinas nisesengeg ed kadederal day nibabáki dian manouley, agton siansia naekal so ilalo to ed kaabigay España.
