"Itepel yoak pa la, sinyor ed impangalak na kagawaan yon agko impatanir anta tinmonda kayod abong ko; apasoutak na pankaukolan, balet ta wadian itilak kon pinagka salat to may relikarion apakpaknaan yo. Nakaukolan koy armas ta onlaak lan mitipon ed saray tutulisan."
"Labay ko komon ya ipasakbay ya agyo la ilululot so panbaroy yo, ta no napaktak kayod lima mi, natan ta agtakila sankaili, kerewan mi kayoy dakel a pilak a panundon yod laman yon díli."
"Nalmok a siansiay kakaukolan kon too!" kuanen Simoun ya inmeremeré tan linminaway araldalem. "Mabosisin panagnunot balet ta lalon abig pian matour ed saray sipan to!"
Ginanggan to may ugaw ton onona lan mambaloton ondalan ed libsong ya onlad báley na Los Baños tan awiten to may maleta ton baleg tan alagaren to lad man, ta sikato balet manakar la ya libiten to may maleta ton melag a kawalaan da ran may ankablin alajas tan bato ran suelto ya tagiláko to. Lalon inmabig so uló to ed insabí apatirán Guardia Civil, a linma rad man a mangerel ed Anakbanwan Tales tan nen agda ya asabian, si Tandang Selo so insandi ran inawit.
Saman manayan lábi taloray inatey a binakal. Samay párin hacendero tan samay balon akisamák ed saramay uma nen Anakbanwan Tales, arumog da ran inatey dimad ketegay uma to nia, ya apisag so uló ra tan sineksekay sangi ray dálin; diad báley, say asawa ton may inatey a kasamak abangonan da met lan inatey a napno met na dálin so sangí to tan pinutolan a walad abay toy papil ya angisulatay ngaran a Tales a singa inggulis na tamurón indenet ed dalá.....
"Agkayo mapága mareen a mibabáley ed Kalamba! Anggapod sikayoy manngaray Tales, anggapo met ed sikayoy akagawa man a kasalanan! Saray kangaranan yo ra Luis Habaña, Matias Belarmino, Nicasio Eigasani, Cayetano de Jesús, Mateo Elejorde, Leandro Lopez, Antonino Lopez, Silvestre Ubaldo, Manuel Hidalgo, Paciano Mercado, ya kaalimbawaan yoy entiron báley na Kalamba!.....1 Pinalinan yo ray kaumaan yo, imponggá yod tay kimey na entiron bilay yo, amin iray tiptipon
______________________
1 Kakaaro ra tan kakanayon nen Rizal ya apairap ira ed impangibaki nen Weyler iray sondalo ed Kalamba.
