lok a pitomplon liboy bili to. Naawat ko karoman so sulat
na Virrey2 ed India ya sasaliwen toy labinduan libon libras
esterlinas.³
Diad onman lan kayamanan ya atiptipon ed limay saksakey a too ya sasalitaen ton singa anggapo labat so walawalá, singa nantekep ed liknaan da ray wadman so galang tan takut ed sikato. Si Sinang aminpigan nilonlontak toy dilá to tan agmet la kinarut nen ina to ta agto la lági naimano ed pannenengneng tod saramay brilyanti odino inisip to met la anganko ya say sakey ya alajiron singa si Simoun et agto met la tageyay limay pisos ono masugsulok a lima so bili sakey ya alajas ed pakapangibesngaw ya ag apokpokan na kaabigan to. Amin da manaamayo ed saramay makapulag iran bató, balet anggapoy ondidiwit, natátakot ira. Manonaan ni kagagagá rad baleg dan pankclaw nen say liket dan manusisa. Si Anakbanwan Tales akaarap dimad kaumaan, balet ta say walad uló to so sakey labat ed saramay brilyanti, ya anggano saman lay sankamelagan, masulosulok lan pakadondon ted kinen anak to, pakapangipuger ton may abong to, tan pangúbat to pa ni lági sanancy a dálin.....Katawan! panoy kiyari to ya sakey. labat ed saraman a bató et lalon mabli ni nen say abong a nisaponay amin ya aro na sakey a too, say ag kaanoy sakey a bii ya wala nid kalangueran, say deey bilay na sakey a masiken ed unor iran agew a panayam to diad mundo!
Tan si Simoun a singa bilang aparlesan to rayan kanunotan, inmarap a nankuan ed saramay boleg iran wadman:
"Nengneng yo, sakey labat ed sarayay ankelag a baton inanágan ay, a nengneng day singa andi kakabaliksan ya singa anggapoy nagawaan dan anggan anto, tan singa ra labat malinlinew ya ataping a naplag a nanlapod tawen, sakey labat ed saraya ya inrigaloy sakey a too, agamoran toy inkipaalis na kabusol to, ya sakey yan ateng a walaray boleg to, ya pinalsaan a mandederal na kareenay báley.....tan sakey met a baton singa saya balet ay, ya ambalbalangan aliling na dalan tinmerter a nanlapod puso, odino singa liknaay mangigagaem, tan manesiab a singa saray lua ray naulila, so akapangipawil na
_______________________
2 Say manouley ed India ya mangilalaman ed ari ed Inglaterra, ta say India sakey ed saray bansa ya nasasakopay Inglaterra.
3 Anemaplon liboy pisos.
