at ing saug at king uli ra detang mangalati nang asyas
makilupa ya king metung a maragul a ayup a magumasid at
makasadyang sagmit king panaya’nang ubingan.
Ding makiyubak pang pun ding ungut o aliwang pun
dutung ilang maging matalusad at é matigik a tete
mitataid karing mingatbang pangpang. Nung sakali
man mapanganib yang lalabasan itang tete dapot mayap
nemang pakasikan katawan karetang byasang manimbang,
metung a bage é sukat panginlagan. Metung
yang pipaglimbangan da ring anak a mandilu uling
gagaligatsu la potang akit deng magkakasakit lilipat
ing babaing mamuntuk salikap o kaya ing matwang lalaking
kakalo tud a king uli ning karug na salu atabili
neng malaus king ilug ing tukud na.
Ing matalik makayaus pansing ketang lugal a ita kapirasu yang pulu a misamut ketang malapad a gabun a pitatamnan. Ketang pulung ita karin la ring mikatwatwang dutung a maki lukib na kilub at e mamamate nung e mu potang tura’no at silaban ning kildap at duldul at pakibalwan karin ing api mapdang dili na keta mu ring dutung a diluka’na. Karin, atin mu namang bundukbundukan a belabal na king malinatnat nang lumut ning ketwan at panaun. Ing alipugpug mititipun kilub da reting dutung a alang laman kilub at ing uran amasa'na’t sasapunggulan. Ken, ding ayup sasalbag lang bini. Ing panaun ya mu ing gagambul kareti at myayaliwa lang tanaman ding lalto at tutubu. Ding pakabito tangke a balamu linalang tabing daraka’lang sisibut karing sangang berding mangaragul a dutung at kukulate la karing yamut da reti o kaya gagapang king gabun, i’Flora, ing dyosa ring tanaman at bulaklak, e pa ganap a tula kanita inya digdaga’no pa at mipatung-patung la ring tanaman karin. Ing lumut at uladularan mabibye karetang aspak da ring dutung at ding orkidea, a bibilang dang mangalagung dalo, liliko lang malambis makakaul karing sanga at bulung ding maganakang dutung.
Igagalang de ring tau karin ing pulung iti. Makapagmulalang malangsalita ing makakalat dikil kaniting pulu at balamu ing makalapit king katutwan king malangsalita ya iting makatuki.
Inyang ing balen metung ya pa mung pagbuntunan da ring malukang dampa at karing gasgas nang gaga-
