namdaman mine ku sa karin ba’rakang ipabalu . . .
Ume na ka, anak, ing Dyos at ing Ginu tang Hesus
mantabe la keka. Ing apu kung Lucia, tukya’na ka
angga keng tutuking balen.”
“Baket? Mako ka?” kitang ning anak a lalaki. “Ken lalam ating sundalus uling daka'la ring mapanako. E mo buring akit ding labentador ko? Papakbung kata . .. pum ! purumpum . . !”
"E ka bisang myalung takap silem?” kitang ning babai. “Mekisalikuta’na ka? Masayang dili ing pyalung a tagalan, at salikutan, ane . ..?”
I'Basilio tiniman ya. Dimput ne ing tukud na at nganang sinabing paglwan a mata:
"Magbalik kung agad. Ituki ke ing wall ku ba’yeng akit at myalung kayu. Kasindagul me . . .”
"Titikwad ya naman? Nung makanyan ya ing gawan ming indu king pyalung ming piku-piku.”
"E mu ke sana kakalingwan,” nganing matwa. "Oyni idala me kang inang mu ining pindang usa.”
Tikyan de ring anak angga ketang tete kwayan a pililipatan Eabo nitang maligogo danum.
Pepatalan ya takde i'Lucia at linakad lang lalon ding anak anggang e la mipampan.
Mesalusu ya lakad i'Basilio bista man makaptas ya ing bitis nang maki sugat.
Sisyuk ing angin a tityup ibat pangulu at ding tau San Diego kikingking la king dimla.
Kapisperasa'ning Pasku dapot ing balen malungkut ya. Metung mang pag-paskung parul alang makabitin karing awang at nanu mang alingongo e ka makaramdam karing sibabale anti mo karing banwang mengalabasan.
King entreswelu ning bale nang Kapitan Basilio mipapagsalita la lele ding rehas niti, ya ampon i'Don Filipo. Ing malungkut a milyari kaniting tawli pikalugura’na la. I’Sinang naman kayabe nong makasilip king dalan ketang aliwang rehas, i'Victoriang pisa'na at ing malagung Iday.
Ing tela-sukle bulan saslag ya pilatan ding biga at ding dutung ampon bale didina’nong makaba at makasdan a anino.
