“Crisostomo!” ngana, “ing Dyos peparatanga'na ka ba mu kung iligtas king kagutgutan a e ku balung lutasan . . . Pakirandaman mu ku at saka mu ku atulan.”
I'Ibarra bisa yang makakalale magtabili king kayang talan.
“E ku dinatang ban adwananan dakang kamasalan . . . dinatang ku ban dinan dakang katahimikan.”
“E ku buri ing katahimikan a pagkalub mu kanaku. Ing katahimikan ibye ku king kakung sarili. Kasusuklaman mu ku, at ing kekang palkara gawa nang mapait ing sabla kaku angga na ing kamatayan!”
I'lbarra ikit na ing kealan akarapat ampon ing pamagkasakit ning kalulung babai, at kitang na nung nanu ing buri na.
“King paniwalan mu Sana ing pilsintan dakang alang kapupusan!”
Kang Crisostomo meyakit ya ing mapait a timan.
“Ah, pagsalupsupanan mu ku. Magsalupsupan ka king kekaJuguran mu ibat pa king kekang kayanakan a kapilan man e miglingad keka king nanu mang kayang isipan!" nganang misnang lungkut minyabi ning dalaga. Atatalus da ka! Potang abalu mu ing kakung delanan, ing malungkut a milabas a pepabalu ra kaku kabang masakit ku, malunus ka kaku at e mu ku pasakitan timanan makanyan. Baket e mu ku pa pepaburen mete king gamat ning makma’kung talapanulu? Ika ampon aku malyari katang metula!”
I'Maria Clara pepaynawa yang ditak at kaybat nganang migsundu:
“Anti na ning buri mung abalu, magsalupsupan ka kanaku, patawara’na na ku sana ning kanakung indu! King metung karing malungkut nang bengi ning ka kung pangasakit, ing metung a tau pepabalu na kaku ing lagyu ning tune kung igpa, at binawal na kaku ing kekang lugud . . . anggang ing kabud kakung igpa patawara’na ing kasakitan a pepasari mu kaya!”
I’lbarra minurung ya at makamulala neng linawe ing dalaga.
"Wa,” nganang migsundung Maria Clara, "itang tau sinabi na kaku king e na apaintulutan ing kekatang pamyasawa uling babawal ning kayang konsyensya, at
