Ing syudad matudtud. Ya mung pangkai mararandam ing inge ning metung a saken, lalabas babo ning tete dutune ning ilug a nung kaysanu danum tahimik lang kikislap ding sala ning bulan.
Ing dalaga tinas no ring mata na king banwang malino asul; makakalale nong leko ring singsing, pendyente, sipit at sukle, binili king timira’ning asotea at miglalawe ya nangan king ilug.
Ing metung a bangka, makilaman sakati, tinuknang ya king sadsaran a atin king balang bale makalele king ilug. Ing metung karing adwa kataung makasake minukyat ya king eran a batu, linuksu ya king bakud, at kaybat ning mapilan penandit, merandam la ring kayang takbang papanik king era'ning asotea.
Ikit neng Maria Clarang tinuknang inyang ita akit ne iti, dapot sinaguli mu, uling in lalaki sinulung yang makakalale at inyang atlu nya katakbangan dayu kaya, tinuknang ya. I'Maria Clara minurung ya.
"Crisostomo!" nganang maynang minyabi at mitmung takut. "Wa, aku i’Crisostomo!” nganang mekibat ning baintau king siwalang malangi. "Metung a kasalang, metung a taung dapat mung pikasaman.. I'Elias kinwa na ku king sukulan a nung nu ra ku siksak ding kakung kakaluguran.”
Ing metung a malungkut a katahimikan tikya'no reting amanu. I’Maria Clara diku ne ing buntuk at beba no ring kayang gamat.
I’lbarra nganang migsundung manyabi:
"Arap ning bangke ning kanakung indu simpa kung pamatulan daka, nanu man ing kakung maging kalma I Malyaring magkulang ka king kekang sumpa uling ya e me indu; dapot aku, akung anak na, banal kaku ing kayang katandanan, at lipat ding libung panganib dinatang ku keti ban tuparan ku ing kakung sumpa, at ing mayap a pamikatagun pepaintulut nang ika kabud ing akasabi ku, Maria, e ta na myuman pang mikit. Anak ka pa’t mekad misan a aldo ing kekang konsyensya bintangana'na ka . . . dinatang ku ba’kung sabyan keka, bayu ku mako, king patawaran da ka. Ngeni, tumula ka sana at adyos !"
I’lbarra ume neng gumulut dapot ing dalaga pinigil ne.
