"Isulat yeng Bernardo, o maski nanu, nganang linutas ning alperes.
"O ing apelidu mu?"
Ing dakap linawe neng misdan.
"Nanu ka lagyu . . . nanung tataid da king lagyu mung Andong?"
"Ah! gino! Andong Medio-tonto, gino!”
Ding makarungut e ra apigil ing ayli ra. Ing alperes man mipatuknang ya king lakad na.
"Nanung kapanintunan mu?”
"Manulud ku pung ungut, gino, at utusa'na ku ning katwangan kung babai."
"Ninung minutus kekayung luban ye ing kwartel?”
"Ala pu, gino!”
"Nanung ala? E ka maglaram uling nung ali ilulan da ka king talaga! Ninung minutus keka? Manyabi kang tutu!”
"Ya pu ing tutu, gino!”
"Nanung ala? E ka maglaram uling nung ali ilulan da ka king talaga ! Ninung minutus keka? Manyabi kang tutu!”
"Ya pu ing tutu, gino!”
"Ninu . . .?”
"Ninu, gino . . .?”
"Kukutang ku keka, ninung minutus kekayung magrebolusyun kayu?”
"Isanu pung rebolusyun?”
"Yan, uling ati ka king patyu ning kwartil nabengi!”
"Ah! gino,” nganang mengalare Andong.
"Ninung talaga ing maki kasalanan kanyan?”
"Ing katwangan ku pu, gino!”
Ing ayli ra’t pamagmulala ring makatagun yang meging abli ning sinabi na.
Ing alperes tinuknang ya at linawe neng marok a mata ing kitnan. Inukul niti ing masalese ing pekibat na, mika diwa ya at nganang tinuglung:
“Opu, gino; ing katwangan ku ala yang papakan kaku nune mu ing kanan a mabangnas na at é mapa-
