nan, at atiglapa’ne i’Donya Consolacidn. Sinagakgak
yang masikan Tikyan da ing panlalawe na at ikit de
ing asawa ning alperes, keketa’nong makakalale ring
labi na.
"E ku pa menakit babaing anti kanyan a katsura!" nganang mipasyo Tarsilo busal nitang laganap a katahimikan. "Buri ku pang buri ing magkasat kung makanyan kening makisiping kaya anti mo ing alperes.”
Ing Musa (Donya .Consolacidn) menimutla ya.
"Paten yu kung barug, wa, dapot ngeni mu ring benging iti makapamali ku kabud kinaul na kayu nyang asawa yu! ”
"Sumpalan ye bunganga,” nganang ginulisak ning alperes a gagalgal king mikakalabkab nang mwa.
Balamu wari matula na mung penaya ing pasikangan de uling kasumpal ning bunganga na mipasno ya pa.
King metung nang sinyal ning alperes king gwardya a tatalan yantuk, pigmula’na na ing makahalehale nang tungkul. Menigut ing mabilug nang katawan Tarsilo. Daing a melumud king sakit, makabang dalung, ing meramdam bista man makasumpal yang imalan ing asbuk na. Diku ne ing buntuk na. Ing imala'na kinatmung daya.
I’Padre Salvi, maputla, melili panimanman, tinalakad yang magkakasakit, sininyal ya king metung nang gamat, meko ya king sala at tapa-tapisung yang linwal. King dalan ikit ne ing metung a dalagang makasandal king pader, makagpa king batung luma, matulid, e kikimut, makiramdam yang mayap, makalawe banwa. Aslaga'neng masalese ning aldo. Balamu, bibilanga' nang e mangisnawa, ing sasapuk at matinding barug at itang saingsing a makapangilabut. Ya ing kapatad nang Tarsilo.
King sala susulung pa ing katampalasanan Ing parusan da, uli ning sakit, e ya makapagsalita at panaya'nang ding mamarusa kaya mapakang lang pagal. Katatawlyan, ing sundalus belag ne ing mepagal nang takde. Ing alperes, maputla ya king mwa na pepalako ne pangatali.
I’Donya Consolacidn tinikdo ya at atin yang sinitsit king asawa. Iti tengu ne ing buntuk na at ayntindya’na ing buri nang sabyan ning babai.
