misan kasantingan ya; bwak at mata, matuling; ing
sablang aliwa, karaniwan,” ngana ning bisaya. "Balu
mu ne ngene?”
“Ali ke pu !” nganang mekibat mangatilihan Lucas.
"Nung makanyan, sulung ! Bruto ! Kabayo!” at saka ne tinulak.
"Balu mu nung baket king alperes matas ya i’Elias at king kura kasantingan ya?" nganang minyabi ning tagalug king bisaya.
"Ali ku," ngana niti.
"Uling ing alperes makasoso ya king labak inyang akit ne i'Elias, at ing kura naman makatalakad ya . . .
"Tutu!” ngana ning bisaya, atin kang talino . . . baket meging gwardya sibil ka?”
"E ku makanyan ibat pa king minuna; ketang aldo kontrabandista ku,” nganang magmaragul ning tagalug.
Dapot ing aliwang anino inaus no pansing. Kitnan deng ?qui.en vive? at dela king masala. Iti ya ing kabud Elias.
"Nu ka munta?” ngara kaya.
"Tatalukyan ke pu, ginu, ing metung a taung tinumbuk at minala king kakung kapatad. Atin yang byuk king lupa at awsan deng Elias . . .”
"Ha?” ngarang mipasyo ring adwa at mipaglalawe lang magdalang takut. At kanita mu rin milai lang papunta king pisamban a nung nu, pilan pang penandit milabas, mewala ya i'Lucas.
