sakristan. Alang maglarin king kulunga'nang manuk
ning alperes . . . king kamataya'ning metung medala la.
Iti makainip kanaku."
"At kaku makanyan mu naman,” nganang mekibat ning metung. "Alang manako, alang mangulu; dapot, salamat king Dyos, sasabyan da king itang Elias atyu keting balen. Sasabya’ning alperes king ing makarakap kaya miligtas ya karing barug kilub ding atlung bulan."
"Aa! Balu mo ring kayang senyal?” nganang kinutang ning bisaya.
"Wa! king pamikakatawan, matas ya, agpang king alperes; kasantingan, agpang kang Padre Damaso, kule, komanggi; mata, matuling ; arung, kasantingan; asbuk, makanyan mu naman; balbas, ala; bwak, matuling . . .
"Aa! nanung makapasubaling sinyal?”
"Kamisa, matuling; pantalun, matuling; magdurutung ...”
"Aa ! e ya milakas ; anti ku ne mong akakit.”
"E me pagkamalyan king aliwa, agyang kalupa ne."
At ding adwang sundalus sindu ra ing karelang pamagbante.
King sala ding parul pasibayu tamung manakit adwang anino mitutuki king mitmung pamingat. Ing masikan a Iquien vive? tiknang no ring adwa, at ing mumuna mekibat yang lEspanya! king siwalang gagalgal.
Ding sundalus tinaid de at linapit king parul ba' reng akilala. Ya i'Lucas, dapot ding sundalus mikakunu la at mikutnanan king panlalawe.
"Ing alperes e na sinabi ing atin yang byuk king lupa!” ngana ning bisaya king maynang siwala. "Nu ka munta?”
"Manyawad ku pung metung a misa para bukas abak.”
"E me ikit i'Elfas?'
"E ke pu balu, ginu!” nganang mekibat Elias.
"E ku kukutang keka nung balu me, tonto! Ikami man e miya balu. Kukutang ku nung ikit me."
"Ali ke pu.”
"Makirandam kang mayap, sabyan ko ring kayang sinyal. King pamikatawan, neng misan matas ya, nung
