dagul ning danum ning makalapit a kadayatan, meyakit
ya karing pampang ning Kalamba, busal ding palayan,
ing bangke ning metung a dalaga, melumud o
pete ra. Agpang karing menakit, ing metung a pataram
makakutkut ya king kayang salu. Ding maki upaya ketang
balen pepabulalag da itang milyari karing
balen a pakalapit; alang dinatang ban mangkin king
bangke, alang dalagang mewala. Pauli ring wagang binye
ra kaku bandang tawli, pauli ning imalan, ding iyas,
ing legwa'ning kayang lupa at ing misnang labung nang
bwak, akilala ke ketang alang kalma ing kalulu kung
kapatad. Ibat kanita miglipatlipat ku karing lalawigan;
ing kakung kabyayan linakad karing asbuk ding
dakal, sasangkan do kaku ding mangapalyari, neng
misan palkaran da ku, dapot e ko binang papansingan
ding tau at susundu ku ing kakung lakad. Makanyan,
king makuyad a salita, ing kanakung bye at ing metung
nang adle ning pamisip ding tau.”
I’Elias migtahimik ya at sindu na ing pamamagse.
"Isipan ku ing e ko magkulang katuliran,” nganang maynang bubulung Crisbstomo, "ngening sabyan yung ing hustisya dapat nang daptan ing makakayap anti mong galal na ning kayapan ampon ing pangaturu ding kriminal. Ya mu itang . . . iti alang pangapalyari, pablasang, nu la kwanan ding misnang karakal a kwalta, ding dakal a bayung empleadu?”
"At para nanu la ring paring manaral king tungkul dang patupad king kapayapan ampon king pamanyapat mayap? Maygit pa waring maulaga ing basan yang danum ing buntuk ning anak, pakanan yang asin, kesa ketang gisingan king midalumduma’nang panandam ning metung a kriminal itang salang binye Dyos king balang tau ba'nang panintunan ing kayang ikakayap? Maygit pa kayang makakayap ing antabayanan ya kabang papunta king pibitayan ing metung a mikasala kesa king antabayanan ya king masakit a dalan ning bisyo a papunta king kayapan? E la wari mamayad mu namang tiktik, berdugo at gwardya sibil? Iti, subali pa king marinat, mikakagugul mu namang kwalta."
"Kakaluguran, ika o aku, agyang buryan ta, e ta arapat ing buri mung malyari.”
"Nung itamu mu, king kamatutwanan, ala tang nanu naman; dapot dakal tamu arapat a mayap wari't gawan yung kekayu ing pisasabya’ning balen, makiya-
