ging talapagalo gabun, migbali’ke king balen ban tanggap
king pamana ning kekeng apu. Migkabyayan keng
masaya mapilan panaun, ing paintungul masaya mi
yang ababatyo, dakal ke utusan, ding kekeng gabun
mikaka mayap lang pupul at ing kakung kapatad ume
yang makyasawa king metung a kayanakan a palsintan
na't malugud naman kaya. Pauli ning pisasabyan dikil
karing kwalta, pauli ning panugali kung maki ketasan
kanita, kesunggalit ke ing metung a kamagana’kung
makarayu na, at misan a aldo timpaling na king kakung
lupa ing makahale kung pangatau, ing alang kalma kung
pipunpunan. Inisip kung ita kalaraman at
minyawad kung kamasalan. Ing kutkutan a nung nu
makapaynawa ing é mu nanung kasiran pasibayung
mibuklat at ing katutwan milantad ba’kung matilihan.
"King maragul kung kalungkutan, mapila'nang banwa atin keng matwang talapaningat a mibabata king sabla kung kalikutan at é na ke gilutan, mibabata yang tatangis at magdala king pamituya ra kaya ding aliwa ming utusan. E ku balu nung makananu nang abalu ning kakung kamaganak. Ing milyari ya iting matwa pepayaus de arap ning hustisya at pepanyabyan king katutwan. Iting matwang ipus ya ing kekeng igpang kakapit karing kalugura’nang anak at nung ninu ing diptananan kung e manapat e mu pilan ukdu. Ing tula mi mewala, sikwil ku ing kekeng pibandyan, king kapatad ku mewala ya ing kapalsinta, at kambe ning kekeng igpa likwan mi ing balen ban painturu nu man karing aliwang karinan. Ing pamigunam king pamanyagdag na king kekeng kasakitan kinuyad no ring aldo ning matwa, a nung kaninu ku abalu ing mabilug a mapait a milabas. Ing kapatad ku ampon aku melakwan keng dilidili.
“Ing kapatad ku tinangis yang é mu nanu, dapot busal da detang e mu nanung kalungkutan a kekami mibuntun, é na akalingwan ing kayang kapalsintan. Alang nanu mang kapanutulan at alang sinabi nanu man ikit neng mekyasawa king aliwa ing kayang kapalsinta, at ya tunggal-ditak ikit keng mika kapanandaman at ala kung apanaplak. Misan a aldo mewala ya. Mewala mung ulaga ing pamangutang ku kaya karing myayaliwang karinan, meyala lang ulaga ding kakung pamangutang, angga king kaybat ning anam a bulan abalu ku king kanitang kapanaunan, kaybat ning pan-
