Meyari neng migsalita i’lbarra at i’Elias makirandam
ya pa; malungkut ya lupa, ding rnata na mebating
la kislap.
"Ding misyoneru ikwa re pilubluban ing balen, ita ya ing tutu;” nganang mekibat, "isipan yu ing king uli ring prayle masagip ya ing Pilipinas?”
"Wa, king uli ra mu. Makanyan ing paniwalan ding mapilan a sinulat dikil king Pilipinas."
"Oh!” nganang Elias at saka ne belugse misnang kealan tula ing bagse king bangka, "e ku isipan ing bina kong mababa paglalawe king Kapamahalan ampon king balen. Baket e ye palsalanan ing metung at metung? Nanu ing sabyan yu king metung a sapning magkaoyayan mung tahimik pauli ning pamamnata' ning metung a dayuhan? Ing metung a balen a mamintu uli ning lilili re, ing metung a Kapamahalan a mamahala uling gagamit ya king pirait, metung a Kapamahalan a e byasang palugud at pagalang king sarili nang pamidapatdapat! Panupaya yu, ginu, isipan ku king ing kekong kapamahalan makmak ya at magpatiwakal nung pagmatula’na ing makanyan a malilyari! Pasalamat ku king kekong kayapan lub. Nu ko bisang payatad ngeni?”
"Ali,” nganang mekibat Ibarra, "misabi ka ta pa. Kaylangan mabalu nung ninu ing maki matuhd keting pisasabyan a binang makabaldugan."
"Panupaya yu, ginu,” nganang mekibat Elias, pipiling ne ing kayang buntuk, "é ku binang mayap magsalita ban apapanwalan da kayu. Nung tutu man ing mika dita’kung pegaralan, metung kung indyo, ing kabyayan ku pagtingangasan yu, at ding kakung amanu maging kapikakunwan la kekayu. Ding magsalitang katumbalas ning sinabi ku espanyol la, at uli nita agyang nanu mu ing panyabyan da, ing siwala, ing karelang bili at ing karelang penibatan paulaga'na la, dinan na lang e mu nanung upaya king nanu mang pisasabyan inya e ku na isipan ing makibadbaran karela. Subali pa king ngening akakit kung ikayu kaluguran ye ing kekong balen, ikayung ing kekong igpa makapaynawa ya lalam da reting tahimik a agus, ikayung meyakit meyamun, mipalkaran at mitaludturan e mu nanu, sisinup yo pa ring makanyan a kapaniwalan lipat na ning dakal yung pegaralan, magmula na kung mikakunu ka-
