ding lalung mangayap tang kabalenan, ding kekatamung
marangle al babye ta la pa ding kekatang kapanintunan king
kapamilata'ning pamanyali karing bagebage relihyoso. Detang
de kekatamu ing metung nang
bage ning kalakal dayuhan, babayaran ta yang mayap
at tahimik tamu.
Nung sabyan yu kanaku ing pamagmasakit a depatan da laban karing encomenderos, malyari kung ipakibat kekayu ing king uli ra mibili tamu lalam ning upaya ding encomenderos; dapot ali, kikilalanan ku king ing tune kasalpantayanan at ing tutung lugud king ketawan tinaid no ring mumunang misyonerung diuatang karing kekatang pampang. Kikilalanan ku ing utang tang lub karetang pusung sugi. Balu ku king ing Espanya kanita atin yang ganap karing myayaliwang adle bayani, relihyosu, politiku, sibil at militar. Dapot pauli na wari ning ding minuna mangayap la, paintulut tamu ing pamagpalalu karing e mayap dang supling? Pauli na ning diptanan da ka tamung maragul a kayapan, kasalanan ing sagkan tamu ing daptananan da katang marok? Ing balen e na yadwan ing pangalako ring relihyoso, yadwan da mu ing mika kapanumanan a yutus ding bayung pamikatagun at ding bayung pamangaylangan.”
"Kaluguran ke ing kekatamung balen anti mo nung makananu yeng malyaring luguran, Elias. Makausta kung ditak king buri yung malyari, matingid kung pekirandaman ing sinabi yu, dapot makanyan man, kakaluguran, isipan kung maglalawe tang ditak king kapamilatan ding mata ning kapanandaman : kaniti masakit kung pamangaylangan karing kapanumanan kulang kesa king karing aliwang bage.”
"Malyari pin kayang makanyan, gino?” nganang kinutang Elias at inatyat nong alang diwa ding kayang gamat. "E yu akakit ing pamangaylangan karing ka panumanan, ikayung nung kaninu kasawian ding ^sapni ...”
“Ah, kakalingwan ku ing kakung sarili at kakalingwan ko ring kakung ligalig araoa’ning kanwana'ning Pilipinas; arapa'ning masabal ning Espanya !” nganang sinabat maliksing Ibarra. "Ban papanatilyan ya ing Pilipinas kaylangan ing manatili lang anti mo ngeni ding prayle, at king pamakyanib king Espanya atyu ing ikakayap ning kekatang balen.”
