kasingkatas na no ning tau. Ala kung tinggap a dutung
subali mu king bulaun, dungon, ipil, at langil. Minyawad
kung tindalo, malatao, pino ampon narra para
karing obrang mayayari babo. Buri yung akit ang atyu
lalam?”
Ding magobra magalang lang mamuge.
"Oyni ing kanal a digdag ko,” nganang sasabing Mang Juan, "deting kanal a pakalalam papunta la king metung a anti mong lulanan a makarayung anggang atlung pulung katakbangan. Magamit yang anti mong paranum ning Hardin. Iti ala yu king piano. Pagnasan kung e yu pagkasala. . .”
"King katumbalas na nita, pamayapan ke at pasalamatan da ko king kekong pamalak. Arkitektu kong mayap. Nu ko mekapagsane kaniti?”
"Kaku mu pu,” nganang mababang mekibat ning matwa.
"Ah! bayu ku akalingwan, ba'rang abalu ring maingat (baka sakaling ating tatakut makisabi kanaku), é na ku excomulgadu; ing Arzobispu inanyaha’na kung mangan keta kaya."
"Abah! Gino, e mi la papansingan ding excomunionl Ike ngan excomulgadu karoi. Ing Padre Damaso ka bud excomulgadu ya naman dapot makanyan man manatili ya ring misnang kataba.”
"Makanano?”
"Ya pu ing tutu; ati 'nang pabanwa ngeni berug ne king bastu’na ing coadjutor at iti pari ya namang anti mo ya. Ginu, ninung papansing karing excomumon? I'Ibarra akilala ne i'Elias busal ding magobra. Iti mcmuge ya kayang anti mo ring aliwa, dapot king metung a lawe pepakilala niti king atin yang buring sabyan kanita.
"Mang Juan,” nganang Ibarra, "buri yeng pakit kaku ing talahan-lagyu ding magobra?”
I’Mang Juan limbug ya, at i’lbarra linapit ya kang Elias a magdilidiling mitas king metung a makapal a batu at seke ne king metung a pisasaken.
“Nung apagkaluban yu kung mapilan penandit, magmain ko potang gatpanapun king pampang ning
