"E ... masakit ya, dapot malyari yang maulu!”
I’Donya Victorina linawe nong mitmung pamag maragul ding pakatagun.
"Paynuman yang gatas neng abak, jarabe de altea,‘¹’ adwang pildoras de cinoglosa!”‘²’ nganang mitus.
"Byayan mu ing lub mu, Clarita,” nganang linapit manyabing Donya Victorina, “dinatang kami ban ulwan da ka. . . Pakilala ra ka king kekeng pisan !”
I’Linares makapamulala yang magumasid karetang mabye matang balamu atin aliwang panintunan, at e ne dindam i’Donya Victorinang mamaus kaya.
"Ginung Linares,” ngana kaniti ning kurang ginising wari kaya ketang malalam a pamisipisip, “oyni, daratang ya i’Padre Damaso.”
Daratang ya pin kanita i’Padre Damaso, maputla at malungkut. Panikdo na king kama ing mumuna nang pamandalo para kang Marla Clara. Aliwa ne ing sadyang Padre Damaso, binang mataba at magilas Ngeni lalakad yang tahimik at anting mikakunu.
1 2 Panulung binang magamitan king panaun a ita.
