"Ginung Ibarra, utang a lub, yantala yu la kabang mamaus kung pulis!”
"Nanung akarapat ku?” nganang mikukunut Ibarra, dapot marayu ne ing tinintu mayul.
I'lbarra naman, miglalawe ya misusumangid at e na balu nung ninung awsa'na. Atiglapa'ne i’Elias a manalbe alang bulad king malilyari. Pintala'neng pilpulai, tela'ne gamat at ngana king amanung kastila:
“Por Dios! Kumilus kayu nung atin kong akarapat! Aku ala kung balung daptan!”
Ing pilotu, mekad ayntindya’na uling mabilis yang mekisalamuha karing makalupung.
Meramdam ing mangasikan a taltalan, masiglang kutnanan. Kaybat, ding taung pakalupung ditak-ditak misasalbag la mcrimla la lub.
Milabas ing makabang penandit at katatawlyan dinatang la ring sundalus a magdalang pusil at pakatasak la bayoneta..
Kabang iti malilyari, ing kura nanung gagawa'na?
I’Padre Salvi é ya migkera man. Makatalakad ya at ing kanwa’na makasandal ya king persyana ning awang, maglalawe ya banda king plasa é ya bubulad at misan-misan mangisnawa yang saldak. Nung é ya mu madalumdum ing sulu na, marahil mu pang akit ing maglwa la ring mata na. At makanyan ya bili halus lub ning metung a oras.
At makanyan yang inaus na pansing ning kagulwan king plasa. Tutukya’no karing panimanma’na ring magugulung taung balabalangi at ing gulisak da mayna na mung miraras keta kaya. Ing metung karing utusaii a menik angus-angus a pangisnawa, belita na kaya nung nanu ing alingongo keta lalam.
Ing metung a pamisip linabas ya king kaukula'na. Busal na nitang kagulwan at alingongo karin la magsamantala ring taung alang kaladwa ketang takut at keynan ning babai. Ding sabla tatakas la at mililigtas, ing ninu man ala neng agaganakang aliwa, ing gulisak é na mararamdam, ding babai mangabungsul la, misasapungan la at mangaragsa, ing takut at ing kagutgutan e na na pakundanganan ing dangalan, at busal na ning kabengyan,... at nung mikaburi la!. .. Akakit ne
