Arapa'na niting entabladu karin la makabili ring orkesta at sasadya ro ring instrument!! ra ba'rang pagmulan ing palage. Kagulutan da makasadya la ring luklukan da ring pekapu'ning balen at iti ya ing sasabya'ning pekakatawan ding Pahayagan king sulat na. Ding mangatungkulan king balen, ding kastila at ding dalo ibat king aliwang lugal makayayus la luklukan. Ding memalen, ding taung alang lagyu, ilang kakatmu king plasa. Ding mapilan mamusan lang bangku king kagulutan da. Kuldas la pin sana, penandit makatuklu no naman. Anti mong alang milyari.
Ding taung lumba-sumaka, ing gulisak, ing bulyo, ing sagakgakan, ding mengaliling labentador a sasalitsit at ing pakbungan makaragdag king inge. Keta, metung yang bangkung mepakli bitis at ding makatuklu misaldak la king gabun, keylyan do ring aliwang malbe uling deta dinatang lang ibat king marayu ban manalbe at kaybat ilang Hnto pyalben. Karin naman ating mibubungil king lugal. At ketang makarayung bagya daindaman mu naman ing kalaksing ding kopa at boting mebalbal. Atyu karin i’Anding a magdalang pakarimla at alak. Karing adwa nang gamat tatalna'ne ing bandehang maragul, dapot asalubunga'ne ing kapalsinta na at iti buri nang samantalanan ing panaun, agyang makananu.
Ing Tininti Mayul, i’Don Filipo, yang mamuntukan king palage, uling ing gobernadorsilyo mapad yang tutu king monti. I'Don Filipo kapagsalita ne i’matwang Tasyu.
"Nanung daptan ku?” ngana. "Ing alkalde e na • tinggap ing magkalag ku king tungkul. ‘Baket,’ nganang kinutang kaku, ‘ala kang sikanan tupad king katungkulan mo?'
"O nanung pekibat mu?”
"Ginung Alkalde,” ngakung mekibat, "ing sikana’ning metung a tininti mayul, bista man tutu mung dimut, katulad na naman ning sikana'na ning ninu mang mangatungkulan. Ing sikanan a yan manibatan king aliwang karinan. Ing sikana’ning kabud Ari manibat karing memalen at ing sikanan da naman deti manibatan king Dyos. Ala kanaku yan, ginung Alkalde. ..! Dapot ing Alkalde e na ku sindung pekiramdaman at ngana kaybat ning pista karin mi na pisabyan ing bage iti.”
