peres, dapot mayap ne mang asawa. Inya ing abalu
na king Sarhento Gomez sukat na namang abalu ning
makibale na at tingka nang isundu neng ituru. "Consola,
makananu meng awsan ing balen mu?”
"Makananu keng awsan? Nung makananu ing tiru mu: Felifenas!” "Basibasan da ka kening tabureti, eh. . .! Napun ayagkas mu neng masalese bagya, dapot ngeni kaylangan ing awsan meng anti mo ing sadya. . . Feli. . . ay! Filipinas!”
"Aba! e mu ku Sana babalik king lumang panaun, nanung isipan mu kaku?”
"E bala ! Basta sabyan mu Filipinas!
"E ku bisa ! Aba! e mu ku bibilang metung a kasangkapan a lumang ati’nang atlung pulung banwa, aba. . at saka ya miglislis anti mong bisang makilaban.
"Sabyan mu. . . ani..., nung ali dugpa ya keka ining tabureti!"
I’Donya Consolacion ikit na ing marok nang kilus ning kasabi na inya mibalak ya, at nganang gingkas masikan : "Feli. . . Fele. . . File. .
Pum. . . krak. . . ! ing tabureti ya nang milud king amanu.
At ing pamanuru meari king tumbuk, king gamal, at king tampaling. Ginut ne ning kabu, ing babai naman ginamal ne baba at king aliwa pang dake ning katawan; e nya malyaring kinisan uling tutuga ya ngan a ipan. Ginulisak ya ing kabu, binili ne, manyawad yang tawad, tinulu ing daya, menuling ya ing metung a mata, kamisang mengagabak, mengalto ing pakasalikut ning katawan dapot ing lagyung Filipinas e ya linto.
Ing anti kanyang labanan myulitan kabud pisabyan da ing dikil king pamagsalita. Ing kabu akakit na ing dakal ya sinulung ing asawa na at pigaganaka nang kaybat ning mayapulung banwa akalingwa’na na ing sarili nang amanu. At makany&n pin ing milyari. Tnyang miasawa la byasa ya pang tagalug at makibat ya king amanung kastila. Ngeni, ala neng balu nanu mang sabi. Migawi yang tutung makipagsalita king sinyalan, at kareti ilang pipilina'na ring mainge at de
