bwak é ra ko tagkilan kabang aku ing mamahala king
Pilipinas; at dikil naman king kekong excomunion, pakisabyan
ke ing Arsobispo, uling karampatan ing magpang tamu king panaun.
Keti, ing bage yan, é tamu
malyaring kaylyan mu anti mo karin Espanya ó karin
Europa. Makanyan man, keng tutuki dagdagan yu
pamu ing kaingatan. Ketang mepalyari akayarap yo
ring kapisanan ding pari a king uli ning ulaga ra't pibandyan,
mapilit ing kilalanan la. Dapot aku ipanlwalu
ra kayu uling buri ko ring anak a mayap, pamayapan
ku ing pamangalang king lagyu rang melakwan ding
pengari. Aku man pakamalan ko ring kanaku at balu
ning Dyos nung nanu ing daptan ku nung kaku malyari ing
depat da kekayu.”
Inalis nang bigla ing pisasabyan at nganang kinutang.
"Sinabi ra kaku ibat ko Europa? Miras ko Madred?”
"Opu at menatili kung mapilan bulan karin.”
"Abalitan yo ring sapni ko?”
"Milako na ko pu inyang meging dangal ku ing mipakilala karela?”
"Ginu, king panuli ku pu keti e ku menibat Espanya, at karin pa belita ra na kaku ing ugali ning Kamalan yu inya inukul kung ing metung a sulat ala yang kabaldugan kekayu at maging kalapastanganan ya pa pablasang ding sablang pilipinu pupuryan da kayu.”
Karing labi ning matwang sundalus mibakas ya ing metung a timan at mekibat yang malale at balamu wari susu.kda’na at titi.mbangan ing balang amanu na:
"Paragulan yu ku lub kanyang ukulan yung yan.. . at makanyan pin ing sukat... Marahil ikayu balu yu nung nu anti bayat ing pupusanan ming katungkulan keti Pilipinas. Keti, ikeng matwang sundalus, ikami ing makibat king sabla. Ikami ing Ari, Ministro de Estado, de Guerra, de Gobernacion, de Fomento, de Gracia, de Justicia at aliwa pa. At ing masakit pa kaniti, king balang buri ming daptan kaylangan ke pang mangutang ketang Indung Balen a makarayu kekami, at karin da pamayapan ó é apyanan, makapyak a mata, ing nanu mang tangka mi. At sasabyan mi namu ikeng kastila: 'Itang dakal a mumunikala ditak ya mu agagawa.” Subali, daratang ke keti at ditak mu
