ning kayantabe ning Heneral e la mekapipagsalita.
King pasbul misalubung lang Maria Clara at itang pamilawayan da dakal mu naman ing buri nang sabyan, dapot binang makayaliwa king buri nang sabyan ning panlalawe ra ding prayli.
I'lbarra makapaldas ya babo’t lalam. Minarap yang panatag a lub at magalang memuge bista'man ukula'nang é masanting a waga ing parnandalo ding prayli.
Selubunga’ne ning Kapitan Heneral.
"Pagmatulan kung bina ing akatalanan da kong gamat, Ginung Ibarra. Ipaintulut yung mipagsalita tamu king mipnung katapatan.”
King kamatutwanan, lalawa'ne’t susuryan matula ing baintau.
"Ginu, ing kekong ganaka..."
“Yang kekong pamagmulala maging subyang kaku uling balamu wari é yu panayan kaku ing mayap kung pamananggap kekayu. Balamu kanyan é ko maniwala king kakung hustisya!”
“Ginu, ing maganakang pamananggap yu king anti akung malating dili karing talasuyu ning Kakataskatasan a Ari, é mu pu hustisya nune dapat a mayap!’’
"Masanting. . . masanting !” nganang linukluk ning Heneral at tiru ne kang Ibarra ing metung a luklukan, “paynawa ta pamu. Tutu kung metula king kekong munikala at inawad ku na king kapamahala’ning Ari ing sukat kong mika galal a karangalan king pamipatalakad yung eskwela king sarili yung kapagmalasakitan. Nung pepabalwan yu ku mu tinagun ku sanang mattula king kapamagmasusyan a idepat yu at marahil é ko pa sana mika ligalig.”
"Ing katatagan pu tutu mung malati at inukul kung é makabage pangabalanan yu busal ning dakal yung lilingunan. Subali kaniti, pignasan ku pung ipabalu pamu ing tangka ku karing mangatungkula’ning lalawigan ku.”
Ing Heneral piling neng masaya ing buntuk na at ing pamipagsalita ra minuling palage pamipagtapatan. Ngana:
“Dikii king pamipagkamwa yung Padre Damaso, é ko tatakut at e ko misisikap mwa. Metung mang
