"Aku. .! Ding paring maputi inaus deng plibastiero i'Don Crisostomo. Ala nang eskwela!”
Milalawayan lang mikukutnanan. Itang lagyung sinabi ra panibaywan de, bayu ya karela.
“Ita ya ing lagyung peka-marok a malyari nang yaus ning metung a kristyanu king kalupa nang kristyanu!”
"Marok pa king tarantado at saragate?”
"O nung makanyan mu sa. .. Aku madalas dakung awsan makanyan é ku sasakit a atyan..
"Mekad naman migit ya karokan ing lagyung indio a sasabya'ning alperes..
Ing mikakunung mika anak a mamalis king dalan melungkut yang lalu, at itang metung mengamus yang buntuk at mibule ya.
“Nung makanyan katulad ne ning sasabya'nang betelapora ning asawa ning alperes. Ala nang migit pa kanyan nune na mu ing luran me ing hostya.”
"Marok pa kesa king luran me ing hostya neng Byernes Santu," nganang mekibat matimid.
“Atatandanan yung ing metung a memalen kabud inaus deng ispichoso alang salang ding sibil ning Villa Abrille dakpan de't yugse reng aliwang labwad ó kaya isukul dya? Marok ya pa kanyan ing plibustiero. Agpang king telegrapista ó king direktorsilyu ing plibustiero, nung yang sumabi ing metung a kristyanu, ing metung a kura 6 ing metung a kastila king kapara nang kristyanung anti mo itamu, ing buri nang sabyan : santus deus, at kayabe na ing requimiternam, at kabud inaus da ka misan: plibustiero, kaylangan na kang magkumpisal at mamayad utang uling alang kapilisyan mabite ka. Sukat yung paniwalan uling ing telegrapista at ing gobernadorsilyu balu ra uling ing mumuna makapakisabi ya king kawad at ing kadwa naman byasa yang kastila at ala yang dapat nune mu susulat."
Mengalingiman la ring sabla.
"Pilitan da na kung mag-sapatus at é ra na ku paynuman kabang bye ku nune na mu kanyang imi ning kabayu at awsan dang serbesa, buri ku pa yan kesa king awsan da ku misan mu kanyang lagyung pelbisterio!” Susumpa yang makasakmal a kamau ing taung malda. "Ako? Nung makwalta kung anti mo i'Don Crisostomo a byasang kastila at e ya magkasakit
