Masalusung mikalat itang mepalyari. Metung man alang bisang maniwala pamu, dapot anti ning ing milyari katutwan mepilit lang meniwala dapot ding sabla mengapamulala la.
Ing balita myayaliwa na liwalan agpang king taung mamilata.
"Mete ya i’Padre Damaso,' ngara ding mapilan. "Inyang telakad de mindilu yang daya lupa at e va mangisnawa..
"Paynawa ya king katahimikan ... memayad ya mung utang,” ngana ning metung a kayanakan. "Lon yu ing alang lagyung depata'na king kumbintu nanding abak.”
"Nanung depata’na? Timpalasanan na ne naman ing koadhutor, ing kasaup na?'
"Nanung depat na? Ale na mo, isalita mu na kekame. .
"E ye ikit linwal king sakristya ing metung a mistisu nanding abak kabang manaral ya?”
"Wa, wa ikit mi ya. Apagumasda'ne pang Padre Damaso.”
Kaybat nang menaral pepayaus ne at kitang na kaya nung baket meko ya.
"E ku pa aintindyan ing tagalug, Padre,” nganang mekibat.
"At baket migsisti ka at ngamu griegu ing aral ku,” nganang Padre Damaso kagna’neng timpaling. Ing mistisu mekibat ya at mipate la anggang e ro piyawat.
"Nung kaku pa milyari ita.” nganang migaligit ning metung a magaral.
