karin Andalucia neng panau'ning dimla. Busal ning
bye iti é ya makalingwan ing mal tang Filipinas. Kanaku
é na malyaring sabyan Voltaire: "Nous n’avous
jamais eté chez ces peuples que pour nous y enrichir
et pour les calomnier.”
Ding empleadu inukul da king ing sinabi nang iti ing kalama'na makatula inya pigmatulan da. Ding prayli naman mekikayli la at é re balu king ing Voltaire a binggita’na ya ing Voltaire a palmuran da’t panyumpang alang patanat at nibu ra king impyernus. Dapot i’Padre Sibyla balu ne inya mig-ala yang bulad at ukula’ nang ing Alkalde mekapagsalita yang laban king utus ning Dyos at kealan kagalangan king kasalpantayanan.
Ketang metung a dalundung karin noman mamangan ding anak a pamuntuka’ning karelang guru. Mainge la anti mo ing ugali ra ding anak a komanggi, lalu na neng mamangan at iti lalon da ding aliwa anti mong kakulangan king mayap a asal ó milalalung pamanusig. Nung ating magkamali king pamangamit karing kubyertus, ituru ne ning kasiping na at iti panibata'ning taltalan at balang metung kareti atin yang kakampi. Ati'nang sumabing ing kutsara, ati’nang ing tinidor, ati’nang ing kutsilyu at anti ning alang bisang pasaiqbut metung man, miras no king magulung pamisugiran a alang kasambutan.
Ding pari naman mikikindatan la, misisingkilan, misisinyalan at ketang timan da akilala mu ing masaya la.
"Akit yu,’ ngana ning metung a matwang babai kabang duduruga'na ing luyus ketang kalikut na. "E ya man bisa ing asawa ku, i'Anduy ku mag-pari ya. Nung king tutu, kalulu kami mu dapot magobra keng mayap at nung kaylangan pa, magpalimus kami. Atin muring munye limus ban ding maluka akwa rang magpari. E na wari sasabyan ning Hermanu Mateu, taung e byasang maglaram, king ing Papa Sixto metung ya mung pastul damulag karin Batangas? Nung makanyan, Ion ye i’Anduy ku, Ion ye, ngeni pa makilupa ne kang San Vicente!
At ing mayap a Indu lalawa’neng mangatulu wawa ing anak nang tatalan tinidur karing adwa nang gamat. "Saupa’ne sana ning Dyos,” nganang tinuglung ning matwang magiangut sapa. “Nung ing Anduy ma-
