“Masala nang balu ning Ginung Alperes ing ngening panaun a iti aku ing makinabang ó kababatingan .. .!”
Ing alperes tiniman yang pigawa at pepakilala na mong aliwa ya ing mituran king pakibat.
“Dapot makamal, é ku abut ukulan nung baket keti tapa pisabyan ing pakinabang ó pangalugi,” nganang sinalabat ning alkalde. “Naming ukulan da kekatamu deng maganaka at mahinhin a dalagang babye dangalan kaniting kekatang pamisulusulu. Deng dalagang den, para kanaku, ila ring musikang manibatan karing maki mala nang alpa ning kabengyau. Kaylangan ulingiran ing lambis na’t yumu ning sunis da uling iti ya ing miyuyukyat karing kaladwa tamu, karin keta king katasan ning malagung tagimpan.”
"Mamoesya ya ing kamalan yu,” nganang masayang minyabi ning eskribano at ilang adwa minukuk la karing adwa rang kopa.
"E malyaring é ka mika diwa,” nganing Alkalde kaybat nong pinulis ding labi na, "king anti kaniting penandit, anti mo ing diparan a karaniwan a ngana: 'ing masanting a penandit ya ing tuksu king tau ba' yang manako', at kaku naman ing malagung penandit a iti yang mumutus ba'kung gumale. Ketang kayanakan sinulat kung poesiya at poesiyang e bibiru.”
"O nung makanyan, e kasi meging talipandas kayu karing Musa ngening kang Themis ko tinuke?” nga nang matimid minyabi ning periodistang maki balu karing dyoses at dyosas ning Olimpo.
“Psss. .. O nanung daptan? Ing mukyat king pelalung matas a kabilyan ya ing kakung tagimpan. Nakadwa na, managtal kung bulakak at daralit at ngeni aku ing tatalan king tukud ning Hustisya at susuyu ku king ketawan, bukas naman. .
“Bukas yugse na neman ning Kamalan yu ing tukud king api ba’yang mibaya ba'nakong dinan pali king bye yu at kaybat mukyat kayu king tungkul a Ministro,” nganang tinuglung Padre Sibyla.
"Malyaring wa, malyaring alf. . . ing maging Ministro aliwa ing malagu kung pigagap. Ing ninu mang makipaningalma malyari ya kanyan. Malapad a gabun king Norte ban atuknangan king panau'ning lisangan, metung a otel karin Madrid at mapilan a tuknangan
