lalu neng é byayan agyang isukul taya ing metung a
taung e tamu balu nung atin yang kasalanan. Aku ing
makibat keng taung ini at adwan ku ing kalaya'na
kareti mu mang mapilan a aldo."
"Mayap! Mayap nung makanyan, dapot e na ulitan ing anti kaniti!"
Kinalat ing myayaliwang salita. Itang milyari metung a milagru. Iti ya na ing tatanggapan da. I’Padre Salvi metula ya nung king bage kaniting milagru a sasangkan da king metung a santu ning kayang kapisanan at ning kayang pisamban.
Atin pang sasabing ikit de kanung titipa king kulkul kabang malalagpak ing sabla. Ing metung a taung makasulud imalan a matuling anti mo ing karing pransiskano. Alang kapikakunwan, ya kabud i'San Diego. Inukul da naman king i’lbarra sinimba ya at ing lalaking dilo ali ya. Yan masalang anti mong aldo.
"Ikit mu na, ika e ka bisang simba," nganing metung a indu king anak na. Nung é ra ka pinilit sinimba at berug, ngeni sana abe na kang munta king munisipyo, makasake gareta!”
Ing kamatutwanan ing bangke ning lalaking dilo a makabalut dase dela re king munisipyu.
I’lbarra memirapal yang minuli ba'yang miblas.
“E mayap a mula, hmm !” nganang matwang Tasio kabang darayu ya king lugal.
