é karaniwan. Apat a kulkul a malalam king metung
a dake at metung king kasumangid a maragul bagya.
Kabud ikit da la ring kulkul balamu wari sekal ne
batal ning metung a gamat a bakal at anti mong mesipit
matalik. Ding pari telanan de gamat ing bayntau at
pigmatulan da ing pangaligtas na. Itang pransiskanong
é bularan a meging Espiritu Santu nang Padre Damaso
nganang kikyak sinabi:
"Ing Dyos mapamakalulu ya. Ing Dyos patupadí na ing matulid!”
"Ustung aganaka ku nandin pamu ati ku karin,” ngana ning metung a empleadu kang Ibarra, "nung aku pamu ing mitawli, Jesus!”
"O aku menalakad ku bwak!” ngana ning metung a malapit nang makalbu.
"Salamat na mu kekayu milyari yan at é kaku,” nganang bubulung gagalgal ning metung a matwa.
"Don Pascual!” ngarang ginulisak ding mapilan a kastila. "Ginu, sinabi ku ita uling ining ginu é ya mete. Nung é ku man mipatanan malyaring mete ku, aisip ku mu.”
Dapot i’lbarra marayu ne at pekibalwa'na ing bili nang Maria Clara.
"Iti sana é maging sangkan ban é malaus ing katatagan, Ginung Ibarra,” nganing alkalde. "Puryan taya ing Dyos ! Ing mete é ya pari ni é ya kastila! Sukat mung pagpistan ing pangaligtas mu! O nung ikwa na ka pamu ning batu keta lalam!”
"Anti na nang akakit, anti na nang akakit,” nganang sasyo ning Escribanu. "Sasabyan ku na, ing Ginung Ibarra e na kaburyan ing panipa na. Akakit ku na.”
"Ing mete é bala, metung ya mung indyu.” “Isulung ing pista! Patigtigan yo ring bandang musikus. Ing pagsalbat e ne byayan ing mete! Kapitan, keti mu rin marapat ing kapanyasatan! Paratangan ye ing direktorsilyo! Dakpan ye, isukul ye ing mamahala king obra!”
“Isukul ye! Oy, musika, musika ! Isukul ye ing mamahala king obra!"
"Ginung alkalde,” nganang migsalitang Ibarra, “nung ing pagsalbat 6 ne malyaring byayan ing metung,
