"Memalen San Diego, pasalamatan ye ing Dyos a minye karing kekong banal a pari, at king kapamahala'na ning Indung Balen a mikakalat alang tuknang ing pamanyulung ding memalen kareting makalmang gabun a lililunga'na king kayang maligayang pandung 1 Pasalamat ko king Dyos a melunus kekayu at pepakit no reting mababa lub a pari a susulu at mituturu kekayu king banal a amanu! Pasalamat kayu king kapamahalan king dakal nang kasakitan a depat, daraptan at daptan pa para kekayu at karing kekong anak.”
“At ngening mebindita ya ing mumunang batu niting gusaling maulaga ikami, ing Alcalde Mayor niting lalawigan, king lagyu ning Kakataskatasan a Ari, saupa' ne sa ning Dyos, king lagyu ning Ari na ning Espanya, king lagyu na ning marangal a kapamahalan ding kastila at king lilung na nyang bandila nang alang musing at magtagumpe kapilan man, king mipnung kabanalan daraptan tamu iting pamagmasusi at pigmulan ta ya ing pangatalakad na ning pipagaralan.”
“Memalen San Diego, Iwid ya ing Ari! Lwid ya ing Espanya, lwid la ring pari, lwid ya ing relihyun katolika!”
“Lwid la! Lwid la!” ngarang mekibat ding dakal. "Lwid ya ing ginung Alkalde!”
Ing alkalde kanita king mitmung kapagmaragulan tinipa yang babagaya'ning musika. Binili na ing mapilan at kutsarang balas a maki api babo ning batu at nung makananu yang mahalan tinipa makanyan ya namang menik. Ding empleadu mikpak la.
I'Ibarra inabut nya naman king kura ing metung a kutsarang pilak at kaybat neng linawe sinaguli kinuldas ya iti. Libutad eran a papunta lalam tinalanga ya ba'neng lawan ing batung pipigilan da ring adwang mangaragul a lubid bakal dapot iti sinakirap mu at melaus yang kinuldas. Depata’na naman ing depat ning alkalde dapot ya tinanggap yang lalung dakal a pakpakan. Subali karing empleadu mikpak la naman ding mapilan a prayle at i’Kapitan Tiago.
I’Padre Salvi balamu lalawe yang metung a kataung malyari nang dinan king kutsara. Linawe neng mikakunu i’Maria Clara dapot minaliwa ya pamalak at inabut ne king Escribanu. Iti naman king mip-
