Ding malda a makaganing masiglang kule manginlag la king pali ning aldo king lilung ding tanaman o karing balung-balung. Ding anak, pauli ning mangalati la mu mcmanukyat la karing sanga, karing batu ba’rang akit masalese ing kapagmasusyan. Deti lalon dong mitmung dirya ring anak a magaral, malinis at masanting a piblas a makalukluk karing luklukan a makasaya karela. Ding pengari naman, maligaga la. Deti, kalulung maglalaulta, lalon dong matula ring anak dang mangan king metung a dulang a maki mantil a maputi halus anti mo ing kura at ing alkalde. Akit mu mu iti dumanup ka at makanyan la daramdaman ding pengari at ding anak.
Mekabulad, meramdam ing tigtig nang makarayu ning musika. Karing musikus makatuki la ring kasapunggul a tau, matwa't anak a makapiblas king myayaliwang kule. Ing lalaking dilo maliswas ya at linawe neng mayap ing makina na. Ing metung a maglalaulta tutukya'na ing paglalawe na at pagumasda'na ing sabla nang pangimut. Iti ya i'Elias a tinagun a manalbe mu naman. King uli ning turung na at ing kayang piblas, halus e me akilala. Pinili ne ing pekamasanting diling lugal, halus siping ning kabud tornu, lele ning kulkul.
Kayagnan deng dinatang ding musikus ing alkalde ring empleadu ning munisipyu, ding prayle, subali kang Padre Damaso at ding empleadung kastila. T’lbarra kapagsalita ne ing alkalde a meging matalik nang kakaluguran ibat ketang pinuri ne king uli ra ding galal na't banda uling ing asuk ning ketasan ya ing keyna’na niti. I'Kapitan Tiago, ing alperes at mapilan pang mabandi dinatang lang kayagnan da ring mangalagung dalaga a pakapayung masigla. I'Padre Salvi ati yu naman dapot anti mo ing sadya tahimik ya't parating mimisip.
"Asahan yu ing saup ku king nanu mang mayap a dapat,” ngana ning alkalde kang Ibarra. "Ibye ku ing nanu mang kaylangan at nung ali ibye ra ding aliwa kekayu.”
Kabang milalapit la ing bayntau naman kakarugya salu, king e na sasaryan alawe ne ing makatalakad a andamyu. Ikit ne ing lalaking dilo a minuge mipnung kagalangan kaya. Linawe neng maratna sinaguli. Mipamulala ya inyang ikit ne i’Elias at king metung nang
