babalen, é pasubali king maputi ketang matuling” —
(ing alkalde pinigil na ing kayang pangisnawa) —
"mibabatang danup at kasakitan, ing banal mung lahi king
kasalpantayanan at king relihyon a sandatahan” —
(Ah ! nganang mengisnawa ning alkalde) — “a magdala
at manimbang king yatu ban iti e manabu king kalalama’ning
kasiran!”
Ding makirandam a nung kaysanu ya makayabe i'Kapitan Tiago manuyab lang tunggal ditak. I'Maria Clara e na pakirandaman ing aral; balu na king i'lbarra makalapit ya isipa’ne, kabang mamepe lalwa'ne ing baka ning metung karing ebanhelista a lulupang dakal king malating damulag.
"Itamung sabla dapat ta lang alulan king katandanan ding Banal a Kasulatan, ing bye ring sablang banal at kanita e ra na ko aralan, ikong makasalanan; dapat yong abalu ring bage lalung maulaga at kaylangan anti mo ing Igpa mi, bista’man ding dakal kekayu kelingwan yu ne, magkabyayan anti mo ring protestante o herehe a é gagalang karing kalili ning Dyos, anti mo ring isik, dapot miparusan kayu, lalung marok kekayu, ikong makasalanan!
“Aba, baket, Pale Lamaso, baket!” nganang bubulung ning isik a Carlos, mwang makalawe king manaral a sinulung manyabi, at memugnus é mu nanung panagkas at palmura.
"Mangamate kayung alang tawling pamanisi, lahi ring alang pamanyalpantaya I Ing Dyos parusa’na kayu ibat keti king yatu karing karsel at sukulan! Ding sapni, ding babai dapat lang manginlag kekayu, ding talapamahala dapat da ko ngang bitayan ban e kumalat ing bini nang Satanas é kumalat king mulaha’ning ginu ... !
I'Hesukristu ngana: Nung atin kong kayabe metung a midadala kekayu king kasalanan, lapasan ye at iyugse king api ... I
Ing Pray Damaso gagalgal ya, kelingwa'ne ing kayang aral at mayap a pamanyabi.
"Darandaman mo?” nganang kinutang ning metung a kayanakan a magaral Menila king kayang kayabe, "kuturan mya?”
"Patugut ka! ya pamu ing muna,” nganang mekibat ning metung ,tuturu ne ing manaral.
