ngalati la, nune mangaragu’la é king lele ring
mangalati nuns lele ring lalung mangaragul ning labwad at
ning banwa at ning angin at ding lulam at ding danum
ningxkalapdan at ning bye ampon ning kamatayan!"
"Ya nasa!" nganang mekibat ning maestru ding Venerable Orden Tercera at saka ya mengurus.
Kambe niting figura ning malagung pamangamanu a apusa'na king metung a mayap Manaral Menila, pagnasa’nong papagmulalan ning Padre Damaso ring kaya makirandam, at king katutwan ing kayang banal a espiritu, metilihan karetang dakal a katutwan, mepilu yang kalbita’ne bitis ban apaganaka na kaya ing kayang paksa.
"Masala karing kekong panimanman!” ngana ning espiritung manyabi ibat lalam.
"Masala karing kekong panimanman ing kausta' nang makapagmulala niting katutwan a alang kapupusan! Misnang kasala itang aldo ring kayapan, at sasabyan kung aldo at e bulan, pablasang alang maragul a bage king ing bulan sunlag ya king kekaba'ning bengi: king labwad ding bulag ari ya ing maki metung a mata ; neng bengi malyari yang sunlag ing metung a sala, ing metung a batwin; ing maragul diling bage ya ing kapalyaryan sunlag agyang king kaugtuan aldo anti mo nung makananu yang saslag ing kapatad a Diego agya' mang busal da ring lalung mangaragul a banal! Oyan atyung masala king kekong bulag a é pamaniwala, ing lalung mayubung kararaptanan ning Kakataskatasan ban mangatilihan la ring mangaragul ning labwad; wa, kapatad ku, masala, masala karing sabla, masala!”
Ing metung a lalaki tinalakad yang maputla at gagalgal, sinalikut ya kilub ning metung a pipagkumpisalan. Metung yang magtindang alak a mipatudtud at meninap king ding talapaningil adwan de kaya ing kapaintulutan magtindang ala kaya. Mabibitasa ing é ya linwal king kayang kesalikutan king kekaba'na ning aral.
"Mababa lub at mahinhin a santo, ing krus mung dutung — (itang krus a tatalna’ning larawan pilak ya) — "ing maluka mung sulud parangala'ne ing maragul a Francisco a nung kenu ke anak at talapakitulad! Kakalat mi ing banal mung lahi king mabilug a yatu, karing sablang suluk, karing sablang syudad, karing si-
