cillong milabasan a pangangariryan da dapot e ra
binang pupuryan, i'Don Santiago de los Santos.
Ding santus makakaru la ngang pilak. Gulut ning
Indu ning Dyos (madre de dios) makatuki na ke
man ikeng kastila at aliwang kosyang. Ing paring
mamuntukan king limbun papayunga’ne ning palyung
darala ra ring cabeza de barangay at king
katatawlyan ding Guardia Civil. E na sukat pang
sambitlan king ding mingatbang panig ning limbun
bibilugan do ring dakal a indyung magdalang makasinding
kandila. Ing tigtig ding musikus pawang
tigtigan king pisamban. Kabang lalakad ing lim
bun, mamakbung la ring bomba at rweda ring
fuegos artificiales. Makapagmulalang tangalan ing
kababan lub at kabanalan ding magmasusi at makapanigtig
panamdam karing maniwala king Dyos,
ing masapsap at malusuk dang kapaniwalan king
Virgen de la Paz, ing pihikan at masapsap dang
kabanalan king pamagmasusi ring makalmang mibait
lalam ning banal at malinis nang watawat ning
Espanya.
Kayari ning limbun migmula na ing misang' begayan ding orkesta at dalit da ring artista ning Teatro. Kaybat ning Evangelio, minukyat ya king pulpitu i’Fray Manuel Martin, agustinu yang menibat pamu Batangas. Ing kayang amanu pepatahimika'na ing sabla at balamu wari makabitin la ring makiramdam lalu ding kastila ketang pauna nang amanu king kekatang salita at king mipnung tetagan ding amanu nang masala at makayakma miras lang matimid karing pusu mi king mipnung galak. Ing amanu yang tune makabage ngening king panamdam yang titibuk ing lugud king Virgen at king mal tang Espanya, lalu na nung king pamagsalita, mamisan-misan asasalat mo ring mangalagu nang bungang-ukul nitang principi na ning pisamban, ing Ginung Montecillo at iti alang kapikakunwan ya ing panamdam ding anggang kastila.
Kaybat ning misa, menik kami king kumbintu at kayabe mi la ring mangatungkulan king balen at aliwa pang matas a tau. Karin myampanganan ke ngang malugud, masuyu at alang kulang. Lalam ning kumbintu, ating makasadyang pamangan karing sablang meranup anti mu rin tabaku para karing sabla.
