at ala kang damdaman nune mu kapuryan ngan
kaya at iti pawang king dangala’ning Espana at
ding tune kastilang anti mo itamu, uling kapilan
man e tamu lilingad ing daya tamu kenu man misamut.
Ngeni, las onsi ning abak dingutan mi ing metung a kapagmasusyan a mebinang mahalan. Anti mo ing pikabalwan, ing pista ning Virgen de la Paz at ilang magmasusi ring Hermanos ning Santisimo Rosario. Bukas ing kapista’nang San Diego at makakayabe lang magmasuri kaniti ring ' Hermanos ning Venerable Orden Tercera. Deting adwang kapisanan da ring pari maigpit lang milalaban king pamanyuyu ra king Miglalang, pamilaban a mumuli king pamipagtaniman da anti mo ing tawling milyari king pamilutlutan da king pamamili king manaral, ing balitang matalino king pamanaral, i'Fray Damaso. Bukas ya ing lukluk king catedra (lukluka’ning guru) ning Espiritu Santo at yang manaral. Mapapanaya king ing aral na tutung maragul a bage king kasalpan tayanan at king legwa’ning amanu.
Anti mo ing sinabi mi na, tangalan mi ing metung a kapagmasusyan a maulaga at mahalan. Ding anam a kayanakan, atlu la kareti ring magmisa at ding atlu naman ban sumaup karela, linwa'lang ibat king sakristya at siniklod la arap ning dambana (altar), kabang ing paring menimuntuk karela, ing kakamalkamalan a Fray Hernando de Sybila daralit ne ing Surge Domine, ban pagmulan da ing limbun kilub ning pisamban at itang pibuburya’nang siwala kambe na ning pamamindisyu’na karing atyu kilub ning pisamban babye maragul a kalangalang king kapagmasusyan a pupuryan da ring malda. Kayari ning Surge Domine, ing gobernadorcillong maka-frac, pamuntuka'na ing limbun, darala ne ing estandarte at tutukyan de ring apat a munisilyus a maedalang insensaryu pigmulan da ing limbun. Kagulutan da makatuki la ring magdalang siryalis a pilak, ding mangatungkulan king balen, ding santus a makaganing sutla at gintu, i'Santo Domingo, San Diego at ing Virgen de la Paz a maki balabal asul a kikilap a maki panagawlang pilak. Iti binye ne ning banal a gobernador-
