bandi na ning escribano, Ginung Miguel Guevarra
at dakal a intsik at indyo a maligagang manaya king
kapistan, ding intsik, uli ning ibug dang manakit
king e ra sadyang alben at ding indyu naman ba’ra
nang tangalan ing makatula, ing encanto, ing labulabu
at ing makapakyak a ipalage ra king entabladung maragul
at malwalas a telakad da libutad
ning plasa.
Las nwebi ning bengi ning kabisperasan, kaybat ning manyaman a apunan a sidya na kekami ning hermano mayor, meyaus la pansing ding anggang kastila at fraileng atyu king kumbintu king masigla rang tigtigan ding adwang bandang musikus busal ding puputak a tau at kayagna'na ing akbung ding bomba at kwitis, paynturu la king kumbintu ba’ra keng sundwan at yatad karing luklukan a sidya ra lele ning pilalagen ba'ming akit masalese.
E mi malyaring tanggyan ing anti kanitang ampang ning malagung panamdam bista’man aku buri ku pang dakal ing mighilig karing takde nang Morfeo (ing dyos ning tudtud) at ba'sanang mibawi ing bugbug kung katawan a pepasari na ning milalu kagalo saken a pepagamit na kekami ning gobernadorcillo ning balen B.
Tinipa kami at inayan mi la ring kayabe ming mamapun king bale na keni ning banal at mayakayan a Don Santiago de los Santos. Ing cura ning balen, i’Fray Hernando Salvi, at i’Padre Damaso Verdolagas a salamat namu king matas a banwa, paymawi na king katampalasanan a tinggap na karing gamat ning metung a alang Dyos, kayabe ning Fray Hernando de Sybila at banal nang cura ning Tanauan at aliwa pang kastila ila ring bisita na ning Creso Filipino. (I’Creso ya ing dyos a balang tigkil na maging gintu.) Karin pigmulalan mi, e inu ing iring at kayap dang migayak ding maki bale a e karaniwan memalen, nune pa naman ing inasamyu, maningning at mabanding manyalimana a pepakilalang tune nang tirung Santa Cecilia, a titigtig king masanting nang pyanu at king uli ning gelinga'nang tigtig pepaganaka ne i'Galvez king musikang aleman at italyanu. Sayang na! ing metung a dalagang ganap a anti mo ya, tutung pihikan, sa-
