Dinalan la king kumbintu ning cura at karin man
magsaya la. Misdan ya i’Sinang inyang ikit nang ding
mikatwa-twa nang suluging Padre Salvi makasindi la
ngan uling deta e la misisindyan pauli ning magtipid
ya king gas. Daramdaman da ing galapakan at siwalang
mangasikan, akakit do ring trailing lakad-lakad
matula at maka-tabakung maragul pilatan dang labi.
At ding aliwang bisita makyapus la mo anting mayap
a katoliko. Agpang king imalan a susulud da, pakilala
rang empleadu la o mangatungkulan karing lalawigan.
Akilala neng Maria Clara i'Padre Damaso uli ning maragul
nang pamikakatawan a makasiping king anino
nang ustu sukad Padre Sybila. I’Padre Salvi e ya
kikimut king lugal na, mahiwaga at e bubulad.
"Malungkut ya rugu..." nganang Sinang. la'na nung nu anti dagul ing magastus na nung pakana’no ngan detang taung deta. Nung king bage deng bisita na karing aliwang bale karin la mamangan..
“Sinang naman...!” nganang Victoria.
“E ku ne apibata manibat ketang sinira ne ing Gulung Ning Kapalaran (Rueda de la Fortuna), at ngeni e na ku magkumpisal kaya...!”
Ing bukud mung alang sulu at e makabuklat a awang karing pibalebale ing king alferez. Migmulala ya i’Maria Clara.
“Ing aswang. . .! ing Musa ding Guardia Civil...! anti mo ing sabi ning matwa. . .!,” nganang mingingitngit ning e mamatawad a Sinang. “O nanung pakyalam na ketang pamikatula tamu.,.? Anti ke mong akakit bubusuk a lupa. .. I Datang sana ing kolera, akit yu nung e magtau yan..
"Aba! i’Sinang naman . . .! nanung panyabya' na...!” nganang pepasibayung minawal Victoria.
“Kapilan man e ke katulan ing taung yan, lalu na ibat ketang inalinlang na ing kasayahan tamu karing guardia civil na. Nung aku mu ing Arzobispo, ay! pyasawanan ku lang Padre Salvi...! Nanu la kaya itsura ring maging anak da. . .! Sukat neng parakap ing kalulung pilotu a linundag melaus king danum ba’nya mung apanusigan. .
E na asundu ing buri nang sabyan. Ketang metung a suluk ning plasa nung nu ya daralit ing metung a bulag, babagaya'na ning gitara at daralit na ing pami-
